မြစ်ကြီးနားစုပေါင်းရုံးတွင် ဗုံးပေါက်ကွဲ

.

ကချင်ပြည်နယ်၊ မြစ်ကြီးနားမြို့ရှိ စုပေါင်းရုံးတွင် ယမန်နေ့ အောက်တိုဘာလ ၃၀ ရက်၊ ညနေပိုင်းက ဗုံးပေါက်ကွဲမှု ဖြစ်ပွားပြီး အမျိုးသားတစ်ဦး ထိခိုက်ဒဏ်ရာရရှိခဲ့ကြောင်း သိရသည်။

.

.

မြစ်ကြီးနားမြို့၊ ဧရာရပ်ကွက်ရှိ ပြည်နယ်စုပေါင်းရုံးအတွင်း ဆမားဒူဝါဆင်ဝါးနောင်ခန်းမအနီးတွင် အောက်တိုဘာ ၃၀ ရက်၊ ညနေ ၆ နာရီခွဲခန့်က ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရသည်။

.

ကချင်ပြည်နယ် ရဲတပ်ဖွဲ့မှူးရုံးနှင့် ကပ်လျက်ရှိသည့် မြစ်ကြီးနားမြို့နယ်ထွေအုပ်ရုံးကို ကြိုတင်ချိန်ကိုက်မိုင်း တစ်လုံးဖြင့် ​ဖောက်ခွဲခဲ့ခြင်းဖြစ်ကြောင်း မြို့ပြတော်လှန်ရေး PDF တပ်ဖွဲ့ဝင်အချို့က ပြောဆိုထားသည်။

.

ထို့အတူ အောက်တိုဘာလ ၂၇ ရက်ကလည်း မြစ်ကြီးနားမြို့၊ တပ်ကုန်းနှစ်ခြင်းဘုရားကျောင်းအနီး ဆွမ်ပရာဘွမ် လမ်းမပေါ်ရှိ UMG Myitkyina Branch ဘတ်ဟိုးရောင်းဝယ်ရေးကုမ္ပဏီဝင်းအတွင်း ပေါက်ကွဲမှုဖြစ်ပေါ်ခဲ့ကြောင်း သိရသည်။

.