ရေဖြူမြို့နယ်ရှိ ကလိန်အောင်တံတား စစ်ဆေးရေးဂိတ် တိုက်ခိုက်ခံရ

.

တနင်္သာရီတိုင်း၊ ရေဖြူမြို့နယ်၊ ကလိန်အောင်တံတားရှိ စစ်ကောင်စီ၏ စစ်ဆေးရေးဂိတ် ယမန်နေ့ အောက်တိုဘာလ ၁၄ ရက်၊ နံနက်ပိုင်းက တိုက်ခိုက်ခံရပြီး စစ်ကောင်စီတပ်သား ၄ ဦး သေဆုံးကာ ၂ ဦး ဒဏ်ရာရရှိခဲ့ကြောင်း သိရသည်။

.

.

စစ်ကောင်စီတပ် အင်အား ၁၅ ဦးခန့် လုံခြုံရေးယူထားသည့် အဆိုပါစစ်ဆေးရေးဂိတ်ကို ယမန်နေ့ အောက်တိုဘာလ ၁၄ ရက်၊ နံနက် ၃ နာရီခန့်တွင် ပြည်သူ့ကာကွယ်ရေးတပ်များက အလစ်ငိုက် ဝင်ရောက်တိုက်ခိုက်ခဲ့ခြင်းဖြစ်ကာ နာရီဝက်ခန့် အပြန်အလှန် ပစ်ခတ်မှုဖြစ်ပွားခဲ့ပြီး ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာ နိုင်ခဲ့ကြောင်း သိရသည်။

.

ပစ်ခတ်မှုအတွင်း သေဆုံးသွားသည့် စစ်ကောင်စီတပ်သား ရုပ်အလောင်းများနှင့် ထိခိုက်ဒဏ်ရာရရှိသူများကို အမှတ် (၄၀၆) တပ်ရင်းထံ ပြန်လည်သယ်ဆောင်သွားခဲ့ကြောင်း သိရသည်။

.

ပစ်ခတ်မှုဖြစ်ပွားပြီးနောက် စစ်ကောင်စီတပ်က အင်အားတိုးချဲ့ပြီး မြစ်ကမ်းဘေးတစ်လျှောက်တွင် တောနင်း ရှာဖွေခြင်း၊ လမ်းသွားလမ်းလာ ပြည်သူများကို ပိတ်ဆို့စစ်ဆေးခြင်းများ ပြုလုပ်ခဲ့ကြောင်း သိရသည်။

.