ဟားခါးမြို့ရှိ ခရိုင်မီးသတ်ရုံး တိုက်ခိုက်ခံရပြီး မီးသတ်ကား ၂ စီး မီးလောင်ပျက်စီး

.

ချင်းပြည်နယ် ဟားခါးမြို့ရှိ ခရိုင်မီးသတ်ဦးစီးဌာနရုံးအား အောက်တိုဘာလ ၁၅ ရက်၊ နံနက်ပိုင်းတွင် တိုက်ခိုက်ခံရပြီး မီးသတ်ကား ၂ စီး ပျက်စီးသွားခဲ့ပြီး မီးသတ်ရုံးဝင်းအတွင်း ကင်းစောင့်နေသည့် ရဲတပ်သားတစ်ဦး သေဆုံးသွားခဲ့ ကြောင်း သိရသည်။

.

.

ထို့အတူ ယမန်နေ့ အောက်တိုဘာလ ၁၆ ရက်၊ နံနက်ပိုင်းတွင်လည်း ဟားခါးမြို့၊ ဝန်ကြီးအိမ်ရာဘက်တွင် စစ်ကောင်စီ တပ်နှင့် ဟားခါး CDF တပ်ဖွဲ့တို့ တိုက်ပွဲဖြစ်ပွားခဲ့ကြောင်း သိရသည်။

.

ယနေ့ အောက်တိုဘာလ ၁၇ ရက် နံနက်ပိုင်းတွင်လည်း ဟားခါးမြို့အခြေစိုက် စစ်ကောင်စီတပ် ခလရ (၂၆၆) က တောင်ပေါ်မှ ဟားခါးမြို့အပြင်ဘက်ကို လက်နက်ကြီးဖြင့် ၆ ကြိမ်ပစ်ခတ်ခဲ့ကြောင်း သိရသည်။

.

စစ်ကောင်စီ အာဏာသိမ်းပြီးနောက်ပိုင်း ဟားခါးမြို့ရှိ  ကြံ့ခိုင်ဖွံ့ဖြိုးရေးပါတီရုံး၊ ပြည်နယ်လဝကရုံး၊ ခရိုင် ဆောက်လုပ်ရေးရုံးနှင့် လမ်းဦးစီးရိပ်သာများ မီးလောင်မှု ဖြစ်ပွားခဲ့ကြောင်း သိရသည်။

.