မူဆယ်တွင် ကလေးငယ်တစ်ဦး ပြန်ပေးဆွဲခံရပြီး တရုတ်ယွမ်ငွေ ၅ သိန်းဖြင့် ပြန်ရွေးယူခဲ့ရ

.

မူဆယ်မြို့တွင် ယမန်နေ့ အောက်တိုဘာလ ၁၅ ရက်က အသက် ၉ နှစ်အရွယ် ကလေးငယ်တစ်ဦး ပြန်ပေးဆွဲခံခဲ့ရပြီး တရုတ်ယွမ်ငွေ ၅ သိန်းဖြင့် ပြန်လည် ရွေးယူခဲ့ရကြောင်း သိရသည်။

.

.

တရုတ်စာသင်ကျောင်းသို့ သွားရန် လမ်းလျှောက်လာသည့် အဆိုပါ ကလေးငယ်ကို ရပ်ကွက်တွင်းလမ်း တစ်နေရာ တွင် အမည်မသိ လူ ၄ ဦးက ကားဖြင့် ခေါ်ဆောင်ကာ ပြန်ပေးဆွဲသွားခဲ့ခြင်းဖြစ်ကြောင်း သိရသည်။

.

ကလေး လာသည့်လမ်းကို ကြိုတင်စောင့်ဆိုင်းပြီး ကားအတွင်း ဖမ်းထည့်ခေါ်ဆောင်သွားခြင်းဖြစ်ကာ ကလေး၏ မိဘများက တရုတ်ယွမ်ငွေ ၅ သိန်းဖြင့် ပြန်လည်ရွေးယူခဲ့ရခြင်းဖြစ်ကြောင်း သိရသည်။

.

မူဆယ်မြို့တွင် ဒုစရိုက်မှုများ မကြာခဏဖြစ်ပွားလာနေသည့်အတွက် ကလေးမိဘများအနေဖြင့် မိမိကလေးများ၏ လုံခြုံရေးကို မပေါ့ဆရန် လိုအပ်ပြီး မိဘများကိုယ်တိုင် ကျောင်ကြိုပို့ လုပ်ပေးရန် လိုအပ်ကြောင်း ဒေသခံများက ပြောဆိုကြသည်။

.

မူဆယ်မြို့သည် လက်နက်ကိုင် ပေါများသည့် ဒေသဖြစ်ပြီး စစ်ကောင်စီ အာဏာသိမ်းပြီးနောက်ပိုင်း ခိုးဆိုးလုယက်၊ ဓါးပြတိုက်မှုများ မကြာခဏ ဖြစ်ပွားနေကြောင်း သိရသည်။

.