.
စစ်ကိုင်းတိုင်း၊ ဆားလင်းကြီးမြို့နယ်၊
ညောင်ပင်ကြီးစျေးတွင် ယမန်နေ့ အောက်တိုဘာလ
၃ ရက်၊ နံနက်ပိုင်းက သေနတ်ကိုင်ဆောင်ပြီး ဈေးဝယ်ထွက်လာသည့် ရဲ ၄ ဦး ပစ်ခတ်ခံရပြီး သေဆုံးကာ
သေနတ်များ သိမ်းဆည်းလိုက် ကြောင်း သိရသည်။
.
.
ဆားလင်းကြီးမြို့နယ်၊ ညောင်ပင်ကြီးရဲစခန်းမှ ရဲ
ဒုတပ်ကြပ် ညီညီထွေး ၊ ရဲဒုတပ်ကြပ် စည်သူစိုး ၊ ရဲတပ်သား အောင်ဆန်းဝင်း နှင့် ရဲတပ်
သား ဇင်ကိုဖြိုးတို့သည် အောက်တိုဘာလ ၃ ရက်၊ နံနက်ပိုင်းက ညောင်ပင်ကြီးဈေးသို့
သေနတ်များကိုင်ဆောင်ပြီး ဈေးဝယ်ထွက်လာစဉ် ယင်း ရဲ ၄ ဦးကို ကားတစ်စီးဖြင့် လာရောက်ပစ်ခတ်ပြီး
လက်နက် ၄ လက်ကို သိမ်းဆည်းသွားခဲ့ခြင်းဖြစ်ကြောင်း သိရသည်။
.
ပစ်ခတ်မှု ဖြစ်ပွားပြီးနောက် ဈေးဆိုင်အားလုံး ပိတ်သွားခဲ့ပြီး ညပိုင်းတွင်
ဆားလင်းကြီးမြို့ပေါ်၌ ကင်းလှည့်စစ်ဆေး မှုများ ရှိခဲ့ကြောင်း ဒေသခံတစ်ဦးက ပြောဆိုထားသည်။
.
