စစ်ကိုင်းတိုင်း အတွင်း၌ စစ်ကောင်စီတပ်၏ ယာဉ်တန်းများကို ယမန်နေ့ အောက်တိုဘာလ ၁၇ ရက်တွင် ပြည်သူ့ကာကွယ်ရေး ပူးပေါင်းတပ်ဖွဲ့က ပဒေသာမိုင်းများဖြင့် မိုင်းဆွဲတိုက်ခိုက်ခဲ့သည်ဟု ချောင်းဦးမြို့နယ် တော်လှန်ရေးတပ် (CRA)၏ ထုတ်ပြန်ချက်အရ သိရသည်။
.
စစ်ကိုင်းဘက်မှ ထွက်လာသည့် ၁၄ စီးပါ ယာဉ်တန်းနှင့် ချောင်းဦးဘက်မှ ထွက်လာသည့် ၄ စီးပါ ယာဉ်တန်းကို CRA တပ်ခွဲ -(၁)၊ (၂)၊ (၃)၊ BLACK WOLF SOLDIERS - အထူးကွန်မန်ဒို ပြောက်ကျားတပ်၊ တောင်သူလယ်သမားတော်လှန်ရေးတပ် (FRF) တို့က ပူးပေါင်း၍ မိုင်းဆွဲ တိုက်ခိုက်ခဲ့ခြင်း ဖြစ်သည်။
.
အဆိုပါ တိုက်ခိုက်မှုများကြောင့် စစ်ကောင်စီတပ်၏ ယာဉ်များ ထိမှန်ကာ ထိခိုက်သေဆုံးမှုများ ရှိကြောင်း CRA ၏ ထုတ်ပြန်ချက်တွင် ဖော်ပြထားသည်။
