.
အမြန်လမ်းမပေါ်တွင်
ယမန်နေ့ အောက်တိုဘာလ ၂၉ ရက်၊ ညနေပိုင်းက အိမ်စီးကားတစ်စီး ပက်လက်လှန် တိမ်းမှောက်နေသဖြင့်
သွားရောက်ကူညီခဲ့ရာ ကားပေါ်တွင် လူတစ်ဦးတစ်ယောက်မှ မတွေ့ရှိခဲ့ရ ကြောင်း သိရသည်။
.
ရန်ကုန်-မန္တ လေး
အမြန်လမ်းမကြီး၊ မိုင်တိုင်အမှတ် (၅၄/၀) နှင့် (၅၄/ ၁) ကြားတွင် အောက်တိုဘာ ၂၉ ရက်၊
ညနေ ၃ နာရီခန့်က Toyota Succeed အမျိုးအစား ခဲရောင်ကားတစ်စီးသည် လမ်းလယ်ကျွန်းရှိ Guard-Rail တန်းအား တိုက်မိပြီး ပက်လက်လှန်တိမ်းမှောက်နေခြင်း
ဖြစ်ကြောင်း သိရသည်။
.
အဆိုပါ ယာဉ်တိမ်းမှောက်မှုအား
ကူညီကယ်ဆယ်ရေးများ ပြုလုပ်ရန် ဘောနီအမြန်လမ်း မီးသတ်စခန်းနှင့် ဘောနီအမြန်လမ်းရဲစခန်းတို့မှ
သွားရောက်ခဲ့သော်လည်း တိမ်းမှောက်နေသည့် ကားကို သာတွေ့ရှိခဲ့ရပြီး ကားပေါ်နှင့် အနီးပတ်ဝန်းကျင်တွင်
ယာဉ်မောင်းသူ အပါအဝင် တစ်စုံတစ်ယောက်ကိုမျှ မတွေ့ရှိခဲ့ရကြောင်း သိရသည်။
.
အဆိုပါ တိမ်းမှောက်နေသည့်ကားအား
ပြန်လည်တည့်မတ်ပြီး စုံစမ်းစစ်ဆေးမှုများ ပြုလုပ်လျက်ရှိကြောင်း
သိရသည်။
.
