စစ်ကိုင်းတိုင်း၊ ကသာမြို့နယ်၌ စစ်ကောင်စီတွေ့ဆုံပွဲအခမ်းအနားကို အောက်တိုဘာလ ၂၈ ရက်က ဒရုန်းဖြင့် ဗုံးကြဲတိုက်ခိုက်ခဲ့သည်ဟု ကသာမြို့နယ် ပြည်သူ့ကာကွယ်ရေးအဖွဲ့ က ထုတ်ပြန်သည်။
.
စစ်ကောင်စီတပ် (၃၀၉)တပ်ရင်း အနီးရှိ သိမ်အင်းကျေးရွာသို့ စစ်ကောင်စီလက်အောက်ခံ ဝန်ထမ်းများရောက်လာပြီး အင်အား ၃၀ ခန့်ဖြင့် လုံခြုံရေးယူကာ လူထုတွေ့ဆုံပွဲ ပြုလုပ်ခဲ့ခြင်း ဖြစ်ကြောင်း သိရသည်။
.
အစည်းအဝေး တက်ရောက်နေသော ပြည်သူများ မထိခိုက်စေရန် ရည်ရွယ်၍ ဒရုန်းဖြင့် ဗုံးကြဲရာ သစ်ပင်ကိုသာ ထိမှန်ခဲ့ပြီး စစ်ကောင်စီအဖွဲ့များ အစည်းအဝေး ဖျက်သိမ်းကာ ထွက်ခွာသွားသည်ဟု ထုတ်ပြန်ချက်တွင် ဖော်ပြထားသည်။
