အင်းစိန်ထောင်ရှေ့တွင် ဗုံးပေါက်ကွဲမှုဖြစ်ပွားပြီး စစ်တပ်အင်အား အလုံးအရင်းဖြင့် ပိတ်ဆို့ထား

.

ရန်ကုန်တိုင်း၊ အင်းစိန်‌ထောင်ရှေ့တွင် ယနေ့ အောက်တိုဘာလ ၁၉ ရက်၊ နံနက်ပိုင်းက ဗုံးပေါက်ကွဲမှု ဖြစ်ပွားခဲ့ပြီး ပစ်ခတ်မှုများ ဖြစ်ပွားခဲ့ကာ စစ်တပ်အင်အား အလုံးအရင်းဖြင့် ပိတ်ဆို့ထားကြောင်း သိရသည်။

.

.

အင်းစိန်ထောင်ရှေ့တွင် ယနေ့ အောက်တိုဘာလ ၁၉ ရက်၊ နံနက် ၉ နာရီ ၃၃ မိနစ်အချိန်တွင် ဗုံးပေါက်ကွဲသံ ၂ ချက် ကြားခဲ့ရပြီး ပစ်ခတ်သံ ၅ ချက်၊ ၆ ချက်ကြားရကြောင်း ‌ဒေသခံများက ပြောသည်။

.

အင်းစိန်ထောင် ဘူးဝတွင် ဗုံး ၂ လုံးပေါက်ကွဲခဲ့ပြီး သေနတ် ၅ ချက်ခန့် ပစ်ခတ်ခဲ့ကာ အဆိုပါ နေရာ အနီးတွင် ကျောင်း ရှိသည့်သည့်အတွက် မိဘများက ကလေးများကို ပြေးခေါ်ကြကြောင်းနှင့် စစ်ကောင်စီတပ်က နေရာအချို့ကို ပိတ်ထားကြောင်း အင်းစိန်ဒေသခံတစ်ဦးက ပြောသည်။

.