.
မွန်ပြည်နယ်၊ သထုံမြို့နယ်တွင်
ဘီယာဆိုင်အတွင်း အသတ်ခံရသည့် နယ်ထိန်းအလောင်းကို ဘီယာဆိုင်ပိုင်ရှင်အား တာဝန်ယူသင်္ဂြိုဟ်ခိုင်းထားကြောင်း
သိရသည်။
.
သထုံမြို့၊ ဈေးမသွယ်ရွာရှိ
ဘီယာဆိုင်တစ်ခုတွင် အောက်တိုဘာလ ၂၅ ရက်၌ သုဓမ္မဝတီမြို့သစ်မှ နယ်ထိန်း အောင်ဝင်းထွန်းကို
သထုံပြည်သူ့ကာကွယ်ရေးတပ်ဖွဲ့က သေနတ်ဖြင့် ၅ ချက်ပစ်ခတ် ရှင်းလင်းခဲ့ခြင်းဖြစ်ကြောင်း
သိရသည်။
.
သေဆုံးသူ နယ်ထိန်း၏အလောင်းကို
ဆေးရုံတွင် စစ်ဆေးပြီး ဘီယာဆိုင်သို့ ပြန်ပို့ပေးခဲ့ခြင်းဖြစ်ကာ ရဲစခန်းက ဆန် ၂ အိတ်နှင့်
ယပ်တောင်များသာ ထောက်ပံ့ပေးသဖြင့် သင်္ဂြိုဟ်နိုင်ရန်နှင့် ကျွေးမွေးရန်အတွက် ရွာအတွင်းရှိ
အိမ်များထံမှ အလှူငွေ ကောက်ခဲ့ရကြောင်း သထုံပြည်သူ့ကာကွယ်ရေးတပ်ဖွဲ့ တာဝန်ခံက ပြောဆိုထားသည်။
.
အဆိုပါ အသတ်ခံရသည့်
နယ်ထိန်းအလောင်းကို ယနေ့ အောက်တိုဘာလ ၂၇ ရက်၊ နေ့လယ်တွင် သင်္ဂြိုဟ်သွားမည် ဖြစ်ကြောင်း
သိရသည်။
.
