.
ပဲခူးတိုင်းအတွင်း
ယမန်နေ့ အောက်တိုဘာလ ၁၃ ရက်က ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ်များ အကြား
တိုက်ပွဲ ၃ ကြိမ်ဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁၂ ဦးထက်မနည်း သေဆုံးကာ အများအပြား
ဒဏ်ရာရရှိ ခဲ့ကြောင်း ပဲခူးတိုင်းပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားသည်။
.
နတ်တလင်းမြို့နယ်၊
ညောင်လေးပင်ကျေးရွာနှင့် ကြက်မနက်ကျေးရွာအကြားတွင် ယမန်နေ့ အောက်တိုဘာလ ၁၃ ရက်က တိုက်ပွဲ
၂ ကြိမ် ဖြစ်ပွားခဲ့ပြီး ညနေပိုင်းတွင် တောင်ငူမြို့နယ်၊ မြပင်ကူးကျေးရွာအနီးရှိ စစ်ကောင်စီစခန်းကို
PDF ရဲဘော်များက ဝင်ရောက်တိုက်ခိုက်ခဲ့ခြင်းဖြစ်ကြောင်း
သိရသည်။
.
နတ်တလင်းနယ်၊
ညောင်လေးပင်နဲ့ ကြက်မနက်ကျေးရွာကြားတွင် အောက်တိုဘာလ ၁၃ ရက်၊ နံနက်ပိုင်းက အင်အား
၅၀ ခန့်ရှိ စစ်ကောင်စီ စစ်ကြောင်းကို သာယာ၀တီခရိုင် PDF တပ်ရင်း (၃၈၀၁)၊ တပ်ခွဲ -၁ နှင့် တပ်ခွဲ -၂ တို့က
ကြိုတင်စောင့်ဆိုင်း မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ ၄ ဦးသေဆုံးပြီး ၇ ဦး
ဒဏ်ရာရခဲ့ကြောင်း ထုတ်ပြန်ချက်တွင် ဖော်ပြထားသည်။
.
ထို့အပြင် ယင်းစစ်ကြောင်းသည်
ဆက်လက်ချီတက်လာသည့်အတွက် ယင်းနေ့ နေ့လယ်ပိုင်းတွင် အဆိုပါ နေရာအနီးတွင်ပင် ထပ်မံ စောင့်ကြို၍
မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၆ ဦး ထက်မနည်း သေဆုံးပြီး ၈ ဦး ဒဏ်ရာရရှိခဲ့ကြောင်း
သိရသည်။
.
အဆိုပါ တိုက်ခိုက်မှုအတွင်း
PDF တပ်ဖွဲ့ဝင်များ အထိအခိုက်မရှိခဲ့ဘဲ
ရှေ့ဆက်မတိုးရဲသည့် စစ်ကောင်စီတပ်သည် နောက်ကြောင်းပြန်ဆုတ်သွားခဲ့ကြောင်း သိရသည်။
.
အလားတူ
ပဲခူးတိုင်း၊ တောင်ငူမြို့နယ်၊ ကညင်မြောင်အုပ်စု၊ မြပင်ကူးကျေးရွာတွင်
တပ်စွဲထားတဲ့ အင်အား ၂၀ ခန့်ရှိ စစ်ကောင်စီတပ် ကင်းစခန်းကိုလည်း အောက်တိုဘာလ ၁၃ ရက်၊
ညနေပိုင်းတွင် တောင်ငူခရိုင် PDF တပ်ရင်း ၃၅၀၁၊ ခွဲ (၁)တပ်ဖွဲ့များမှ အလစ်ငိုက်
ဝင်ရောက်တိုက်ခိုက်ခဲ့ရာ စစ်ကောင်စီတပ်က ၂ ဦး သေဆုံးခဲ့ကြောင်း သိရသည်။
.
ပဲခူးတိုင်း PDF
တပ်ဖွဲ့ဝင်များနှင့် မြို့ပြပြောက်
ကျားအဖွဲ့များအနေဖြင့်
စစ်ကောင်စီတပ်များကို တိုက်ခိုက်လျက်ရှိပြီး စိုးမိုးနယ်မြေများအတွင်း
ကျူးကျော်လာသည့် စစ်ကောင်စီတပ်များကို ဆက်လက် ချေမှုန်းတိုက်ခိုက်သွားမည် ဖြစ်ကြောင်း
အသိပေးထုတ်ပြန်ထားသည်။
.
