.
မကွေးတိုင်း၊ စလင်းမြို့နယ်၊
လင်းဇင်းတိုက်နယ် ရဲစခန်းဝင်းအတွင်းရှိ စခန်းမှူးအိပ်ဆောင်အတွင်းသို့ ပြည်သူ့ ကာကွယ်ရေးတပ်မတော်-အနောက်ပိုင်းတိုင်း
(LDF) တပ်ဖွဲ့က ယနေ့ အောက်တိုဘာလ
၃၀ ရက်၊ နံနက်အစောပိုင်း တွင် ဝင်ရောက်ဗုံးထောင် တိုက်ခိုက်ခဲ့ကြောင်း သိရသည်။
.
မကွေးတိုင်း၊
မင်းဘူးခရိုင်၊ စလင်းမြို့နယ်၊ ပုသိမ်-မုံရွာကားလမ်းအနီးရှိ လင်းဇင်းတိုက်နယ်
နယ်မြေခံရဲစခန်းဝင်း အတွင်းရှိ စခန်းမှူးအိပ်ဆောင် အတွင်းသို့ ယနေ့ အောက်တိုဘာ ၃၀ ရက်၊
နံနက် ၂နာရီခန့်က ဝင်ရောက်ဗုံးထောင် ဖောက်ခွဲတိုက်ခိုက်ခဲ့ခြင်းဖြစ်ကြောင်း ပြည်သူ့ကာကွယ်ရေးတပ်မတော်-အနောက်ပိုင်းတိုင်း
(LDF) တပ်ဖွဲ့က အသိပေး ထားသည်။
.
ပြည့်သူ့ကာကွယ်ရေးတပ်မတော်
အနောက်ပိုင်းတိုင်း ၊ စလင်းတပ်ခွဲ ရဲဘော်များက အဝေးထိန်းရီမုမိုင်း ၂ လုံးအား ရဲစခန်းဝင်းအတွင်း
အိပ်ဆောင်ပေါ်အထိ သွားရောက်တပ်ဆင်ကာ အဝေးမှ
ဖောက်ခွဲတိုက်ခိုက်ခဲ့ခြင်းဖြစ်ကြောင်း သိရသည်။
.
အဆိုပါ ဗုံးခွဲတိုက်ခိုက်မှုနှင့်
ပတ်သက်၍ ထိခိုက်သေဆုံးမှုအခြေအနေများကို စုံစမ်းနေဆဲဖြစ်ပြီး ရဲဘော်များ အထိအခိုက်မရှိ
ဆုတ်ခွာနိုင်ခဲ့ကြောင်း သိရသည်။
.
ပြည်သူ့ကာကွယ်ရေးတပ်မတော်
- အနောက်ပိုင်းတိုင်း (LDF)တပ်ဖွဲ့သည်
သက်ဆိုင်ရာတပ်ခွဲများအလိုက် လက်နက်ကိုင် တော်လှန်ရေးကို အကောင်
အထည်ဖော်ဆောင်ရွက်လျက်ရှိပြီး ပြည်သူများအနေဖြင့်လည်း နိုင်ရာတာဝန်များကို
ပါဝင်ကူညီထမ်းဆောင်ရင်း တော်လှန်ရေးအရှိန် ဝိုင်းဝန်းမြှင့်တင်ကြရန် ၎င်းအဖွဲ့က
နှိုးဆော်ထားသည်။
.
