ဘူးသီးတောင်တွင် ရေခဲသေတ္တာအပူလွန်ကဲရာမှ မီးလောင်မှုဖြစ်ပွား

.

ရခိုင်ပြည်နယ်၊ ဘူးသီးတောင်မြို့နယ်တွင် ယမန်နေ့ အောက်တိုဘာလ ၁၉ ရက်၊ ညပိုင်းက ရေခဲသေတ္တာ အပူလွန်ကဲ ရာမှ ဆိုင်ခန်းတစ်ခန်း မီးလောင်မှုဖြစ်ပွားခဲ့ကြောင်း သိရသည်။

.

.

ဘူးသီးတောင်မြို့၊ အမှတ် (၆) မြို့သစ်တောင်ရပ်ကွက်၊ အား/ကာ တိုက်တန်းရှိ ဦးဝင်းလှိုင် ပိုင်ဆိုင်သော အဖျော်ယမကာ အရောင်းဆိုင်ခန်းတွင် Media အမျိုးအစား ရေခဲသေတ္တာ အပူလွန်ကဲရာမှ မီးလောင်မှု ဖြစ်ပွားခဲ့ခြင်း ဖြစ်ကြောင်း သိရသည်။

.

မီးလောင်မှုကြောင့် လူနှင့် တိရစ္ဆာန် ထိခိုက်မှု မရှိဘဲ ရေခဲသေတ္တာတစ်လုံးနှင့် အလျား ၁၆ ပေ၊ အနံ ၁၂ ပေရှိ သွပ်မိုး အုတ်ကာ အဆောက်အဦ မီးသင့်ခဲ့ကြောင်း သိရသည်။

.

မီးလောင်မှုကို ဘူးသီးတောင်မြို့နယ် မီးသတ်ဦးစီးဌာနမှ မီးသတ်ယာဉ် ၁ စီး၊ ရေသယ်ယာဉ် ၂ စီးတို့ဖြင့် ငြှိမ်းသတ်ခဲ့ရာ ည ၁၁ နာရီခန့်တွင် မီးငြိမ်းသွားခဲ့ပြီး ဆိုင်ရှင်ကို မီးပေါ့ဆစွာ သုံးစွဲမှု ပုဒ်မ ၂၈၅ ဖြင့် အမှုဖွင့်အရေးယူထားကြောင်း သိရသည်။

.