ကချင်ပြည်နယ်၊ ဖားကန့်မြို့နယ်၊ အနန့်ပါကျေးရွာကို အာဏာသိမ်း စစ်ကောင်စီတပ်က ဗုံးကြဲ တိုက်ခိုက်ပြီးနောက် တွေ့မြင်ရသည့် ပျက်ဆီးဆုံးရှုံးမှု မြင်ကွင်း ဖြစ်သည်။
.
ကချင်လွတ်မြောက်ရေးအဖွဲ့ (KIO) ၆၂ နှစ်ပြည့် အထိမ်းအမှတ် အကြိုနေ့အဖြစ် အောက်တိုဘာလ ၂၃ ရက်၊ ည ၈ နာရီခွဲခန့်က တေးဂီတဖျော်ဖြေပွဲ ပြုလုပ်နေစဉ် စစ်ကောင်စီတပ်က လေကြောင်းမှ လာရောက် ဗုံးကြဲတိုက်ခိုက်ခဲ့ခြင်း ဖြစ်သည်။
.
ယင်း တိုက်ခိုက်မှုကြောင့် ကချင်တိုင်းရင်းသား အနုပညာရှင်များ အပါအဝင် ပြည်သူ ၅၀ ဦးထက် မနည်း သေဆုံးခဲ့ရကြောင်းနှင့် KIO/KIA အရာရှိအချို့လည်း သေဆုံးခဲ့ကြောင်း သိရသည်။
