.
ပဲခူးတိုင်း၊ ပေါက်ခေါင်းမြို့နယ်တွင် ယမန်နေ့ အောက်တိုဘာလ ၅ ရက်၊
နေ့လယ်ပိုင်းက အစည်းအဝေးမှ ပြန်လာသည့် စစ်ကောင်စီ အုပ်ချုပ်ရေးအဖွဲ့ဝင်များ ပစ်ခတ်ခံရပြီး
ရဲတစ်ဦးသေဆုံးကာ ဒဏ်ရာရရှိသူများ ရှိခဲ့ကြောင်း ပြည်ခရိုင် ပြည်သူ့ကာကွယ်ရေးတပ်ဖွဲ့က
သတင်းထုတ်ပြန်ထားသည်။
.
.
အစည်းအဝေးမှ ပြန်လာသည့် စစ်ကောင်စီတပ်၊ ရဲ၊ အုပ်ချုပ်ရေးမှူးနှင့်
ပျူစောထီးများကို ပေါက်ခေါင်းမြို့နယ်၊ ကုန်းအင်းကျေးရွာအနီး၊ မင်းလမ်းကျေးရွာကြားတွင်
ပြည်ခရိုင် တပ်ရင်း ၃၆၀၂ တပ်ခွဲ(၁)က ပစ်ခတ်တိုက် ခိုက်ခဲ့ခြင်းဖြစ်ကြောင်း
သိရသည်။
.
အဆိုပါ ပစ်ခတ်တိုက်ခိုက်မှုကြောင့် ရဲ ၁ ဦး သေဆုံးပြီး ရဲ ၂ ဦး၊
ပျူစောထီး ၁ ဦး ထိခိုက်ဒဏ်ရာရရှိခဲ့ပြီး ပြည်ခရိုင်၊ တပ်ရင်း (၃၆၀၂)၊ တပ်ခွဲ (၁) မှ
ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။
.
