PNLO/PNLA တပ်ဖွဲ့ဝင်များ အသတ်ခံရမှုအပေါ် PNDF က ဝမ်းနည်းကြောင်း သဝဏ်လွှာ ပို့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

PNLO/PNLA တပ်ဖွဲ့ဝင်များ အသတ်ခံရမှုအပေါ် PNDF က ဝမ်းနည်းကြောင်း သဝဏ်လွှာ ပို့


ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO/PNLA) တပ်ဖွဲ့ဝင်များ သတ်ဖြတ်ခံရမှုအပေါ် ပအိုဝ်းအမျိုးသားကာကွယ်ရေးတပ်ဖွဲ့ (PNDF)က ယနေ့ စက်တင်ဘာလ ၁၅ ရက်တွင် ဝမ်းနည်းကြောင်း သဝဏ်လွှာပေးပို့ခဲ့သည်။

.

PNO/PNA ပြည်သူ့စစ် အဖွဲ့၏ ဖမ်းဆီးသတ်ဖြတ်ခြင်း ခံခဲ့ရသည့် PNLO/PNLA ရဲဘော် ၅ ဦးကိုလည်း ဝမ်းနည်းစွာ ဦးညွှတ်အလေးပြုကြောင်း သဝဏ်လွှာတွင် ဖော်ပြထားသည်။

.

အကြောင်းအရင်း တိကျ သေချာခြင်း မရှိဘဲ တရားလက်လွှတ် ဖမ်းဆီးသတ်ဖြတ်ခြင်းအပေါ် ပြင်းထန်စွာ ကန့်ကွက်ရှုံ့ချကြောင်းနှင့် ယခု ဖြစ်ပေါ်သည့် ကိစ္စအတွက် PNO/PNA ပြည်သူ့စစ်အနေဖြင့် တာဝန်ယူ/ခံမှု ရှိရှိဖြင့် တရားမျှတမှု ရှိစွာ ဖြေရှင်းပေးရန် သတိပေးတောင်းဆိုသည်ဟုလည်း PNDF ၏ ထုတ်ပြန်ချက်တွင် ဖော်ပြထားသည်။

.

PNLO/PNO အဖွဲ့သည် NCA လက်မှတ် ရေးထိုးထားသော တိုင်းရင်းသားလက်နက်ကိုင် တော်လှန်ရေးအဖွဲ့ဖြစ်ကာ၊ PNDF သည် စစ်အာဏာသိမ်းမှု ဖြစ်ပေါ်ပြီးနောက် ဖွဲ့စည်းထားသော တော်လှန်ရေးအဖွဲ့ ဖြစ်ပြီး PNO/PNA အဖွဲ့မှာ စစ်ကောင်စီတပ်၏ လက်အောက်ခံ အသွင်ပြောင်း ပြည်သူ့စစ်ဌာနေ အဖွဲ့ ဖြစ်သည်။

Journal Download

Photo of three cats