ဖယ်ခုံမြို့နယ်တွင်းရှိ လောင်းကစားဝိုင်းများကို အရေးယူတော့မည်ဟု Pekhon PDF ထုတ်ပြန်

.

ရှမ်းပြည်နယ်တောင်ပိုင်း၊ ဖယ်ခုံမြို့နယ် အတွင်း၌ ပြုလုပ်နေသော လောင်းကစားဝိုင်းများကို ထိရောက်သည့် အရေးယူမှုများ လက်တွေ့ လုပ်ဆောင်သွားမည်ဟု ဖယ်ခုံမြို့နယ်ပြည်သူ့ကာကွယ်ရေးတပ်(Pekhon PDF)၊ တပ်ရင်း(၂)က ယမန်နေ့ စက်တင်ဘာလ ၁၈ ရက်၊ ညပိုင်းတွင် အသိပေးထုတ်ပြန်ထားသည်။

.

.

လောင်းကစားဝိုင်းများကို ထိရောက်စွာ ကိုင်တွယ် အရေးယူမည်ဟု သတိပေးခဲ့သော်လည်း သတိပေးချက်ကို လိုက်နာခြင်း မရှိဘဲ ဆက်လက် လုပ်ဆောင်နေသဖြင့် ဒုတိယအကြိမ် သတိပေးခြင်းအဖြစ် လောင်းကစားဒိုင်များထံ ဖုန်းဖြင့် ဆက်သွယ် သတိပေးပြီးနောက် ယင်းကဲ့သို့ အရေးယူမှုကို လက်တွေ့ လုပ်ဆောင်မည်ဟု ထုတ်ပြန်လာခြင်း ဖြစ်ကြောင်း သိရသည်။

.

စစ်အာဏာသိမ်းမှု ဖြစ်ပေါ်ပြီးနောက် ဖယ်ခုံမြို့နယ် အပါအဝင် ရှမ်းပြည်နယ်တောင်ပိုင်းရှိ မြို့နယ် အသီးသီးတွင် လောင်းကစားဝိုင်းများကို ပေါ်ပေါ်ထင်ထင် ပြုလုပ်နေလျက် ရှိရာ ဒေသ အများစုတွင် ဒုစရိုက်မှုများ ပိုမို ဖြစ်ပွားလာနေကြောင်း သိရသည်။

.