မတ္တရာမြို့နယ်အတွင်း၌ ဓားပြအဖွဲ့အား ဖမ်းဆီးခဲ့ကြောင်း ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ ရွှေဘိုခရိုင်၊ တပ်ရင်း (၁၈) က ယနေ့ စက်တင်ဘာလ ၃၀ ရက်တွင် သတင်းထုတ်ပြန်သည်။
.
ယင်းအဖွဲ့သည် မတ္တရာမြို့နယ် ဧရာဝတီမြစ်ရိုးတလျှောက်၌ ဓားပြမှုပေါင်း များစွာ ကျူးလွန်နေသည့် အဖွဲ့ ဖြစ်ကြောင်း ထုတ်ပြန်ချက်တွင် ဖော်ပြထားသည်။
.
စိန်ပန်းကုန်းကျေးရွာ၌ ဓားပြဂိုဏ်း ခေါင်းဆောင်များ နိုင်ဝင်းနှင့် ငြိမ်းဇော် တို့ အပါအဝင် အဖွဲ့ဝင် ၁၅ ဦးကို ပြီးခဲ့သည့် စက်တင်ဘာ ၂၃ ရက်တွင် ဝင်ရောက်စီးနင်း ဖမ်းဆီးခဲ့ခြင်း ဖြစ်ပြီး သက်သေခံပစ္စည်းများကိုပါ သိမ်းဆည်းရမိခဲ့ခြင်း ဖြစ်ကြောင်း သိရသည်။
.
အဆိုပါ ဖမ်းဆီးရမိသူများအား အရေးယူနိုင်ရေး ဆက်လက် ဆောင်ရွက်နေသည်ဟု သိရသည်။
