ထိုင်းနိုင်ငံရှိ စက်ရုံတစ်ရုံမှ အလုပ်ထုတ်ခံရသည့် လုပ်သားများ ခံစားခွင့်ရရှိအောင် ဆောင်ရွက်ပေးခဲ့ကြောင်း NUG အလုပ်သမားဝန်ကြီးဌာန ထုတ်ပြန်

.

ထိုင်းနိုင်ငံ၊ စမုပရာကန်ခရိုင်၊ ဘန်ဘော်နယ်မြေရှိ ငါးသေတ္တာစက်ရုံမှ အလုပ်ထုတ်ခံရသော အလုပ်သမားများအတွက် ခံစားခွင့်များရရှိအောင် ဆောင်ရွက်ပေးနိုင်ခဲ့ကြောင်း အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာနက ယမန်နေ့ စက်တင်ဘာလ ၂၈ ရက်တွင် သတင်းထုတ်ပြန်ထားသည်။

.

.

အလုပ်ထုတ်ခံရသည့် အလုပ်သမား ၃၈ ဦးသည် ကြိုတင်အကြောင်းကြားရန် ပျက်ကွက်ခြင်းကြောင့် လစာနှင့် လုပ်သက် နစ်နာကြေးငွေ ရရှိရန် အလုပ်ရှင်အား အမှုဖွင့်ထားခြင်းဖြစ်ပြီး အလုပ်ရှင်၊ အလားသမားညှိနှိုင်းသဘောတူမှု အရ ကျန်အလုပ်သားများအတွက် အလုပ်ရှင်မှ ပေးရန်ကျန်ရျိသည့် လုပ်အားခများကို အမြန်ဆုံးရရှိရေး ညှိနှိုင်း ဆောင်ရွက်ပေးခဲ့ခြင်းဖြစ်ကြောင်း သိရသည်။

.

ထို့အပြင် ယင်း အလုပ်သမား ၃၈ ဦးအတွက် တရားဝင်အလုပ်ပြောင်းရွေ့ခွင့်ရ ရှိရန် စမုပရာကန်ခရိုင်၊ အလုပ်အကိုင်ဌာန နှင့် ချိတ်ဆက်ဆောင်ရွက်လျက်ရှိပြီး အကူအညီမဲ့နေသော ထိုင်းနိုင်ငံရောက် မြန်မာအလုပ်သမား များ၏ အလုပ်သမားအကျိုးခံစားခွင့်များရရှိအောင် ပူးပေါင်းဖြေရှင်းဆောင်ရွက်ပေးတဲ့ စမုပရာကန်ခရိုင် အလုပ် သမားကာကွယ်စောင့်ရှောက်ရေးဌာန(ဆာဝါဒီကန်) ၊ အလုပ်အကိုင်ဌာန (ကျဟာငန်) နှင့် ဝန်ကြီးဌာန၏ တာဝန်ပေးအပ်မှုအရ ညှိနှိုင်းဖြေရှင်းပေးသည့် ကိုရဲမင်း (AAC အဖွဲ့)နှင့် ဦးသက်ပိုင်မင်းတို့ကို အမျိုးသား ညီညွတ်ရေး အစိုးရ၊ အလုပ်သမားဝန်ကြီးဌာနမှ မှတ်တမ်းတင် ဂုဏ်ပြုကြောင်း ထုတ်ပြန်ချက်တွင် ဖော်ပြထားသည်။

.

အရေးပေါ်ကာလ အခြေအနေတွင် ပြည်တွင်း၊ ပြည်ပ မြန်မာအလုပ်သမားများ၏ အလုပ်သမားအခွင့်အရေး ချိုးဖောက်ခံရမှုများ၊ အကျိုးခံစားခွင့် ရရှိအောင် ကူညီဆောင်ရွက်ပေးနိုင်ရေးအတွက် တိုင်ကြားရေးယန္တယား ဖွင့်လှစ်ပြီး ကူညီဆောင်ရွက်ပေးလျက်ရှိကြောင်း သိရသည်။

.