.
လားရှိုးမြို့ပေါ်ရှိ
နေရာ ၂ ခုတို့တွင် ယမန်နေ့ စက်တင်ဘာလ ၁၈ ရက် ညပိုင်းက ဖောက်ခွဲ မှုများ ပြုလုပ်ခဲ့ကြောင်း
သျှမ်းပြည်နယ်မြောက်ပိုင်းမဟာမိတ်တပ်ရင်း (Northern Shan State Alliance
Army-NSSAA) က ယနေ့ နံနက်ပိုင်းတွင် ထုတ်ပြန်ကြေညာထားသည်။
.
NSSAA အနေဖြင့်
စစ်ကောင်စီ လက်ပါးစေတို့၏ အဓိကကျသော နေရာများကို ဖောက်ခွဲရန် ရည်ရွယ်ခဲ့သော်လည်း ယင်းနေရာများတွင်
ပြည်သူများ ရှိနေသဖြင့် လက်လျှော့ခဲ့ရပြီး စက်တင်ဘာလ ၁၈ ရက်၊ ည ၇ နာရီခန့်တွင် လားရှိုးမြို့၊
ရပ်ကွက် (၁) ရှိ ယာဉ်ထိန်းရုံးကိုလည်းကောင်း၊ ည ၈ နာရီဝန်းကျင်တွင် မြို့အဝင်မုခ်ဦးအနီးရှိ
စစ်ကောင်စီ တပ်စခန်း (ကညန) ကိုလည်းကောင်း ဖောက်ခွဲမှုများ ပြုလုပ်ခဲ့ခြင်းဖြစ်ကြောင်း
ထုတ်ပြန်ချက်တွင် ဖော်ပြထားသည်။
.
ပေါက်ကွဲမှုဖြစ်ပွားပြီးနောက်
ညပိုင်းတွင် သေနတ်ဖစ်ဖောက်မှုများ ရှိခဲ့ပြီး လက်ရှိအချိန်အထိ ပိတ်ဆို့စစ်ဆေးမှုများ
ရှိနေသဖြင့် မဲမဲမြင်ရာ ရမ်းကားတတ်သော စစ်ကောင်စီတတ်သားများ၏ အကျင့်ကြောင့် ပြည်သူများအပေါ်
စိုးရိမ်မိ ကြောင်းလည်း NSSA သတိပေးထားသည်။
.
ဖောက်ခွဲမှုတွင် NSSAA အဖွဲ့သားများ သေသပ်စွာ ပြန်လည်ဆုတ်ခွာနိုင်ခဲ့ပြီး
စစ်ကောင်စီဘက်မှ ထိခိုက်ကျဆုံးမှု ရှိ/မရှိ မသိရသေးကြောင်း သိရသည်။
.
ထို့အပြင် ပြည်သူ့မျက်နှာ
ထောက်ထား၍ ရုတ်သိမ်းခဲ့ရသော မစ်ရှင်များကို ပြန်လည်ဖော်ဆောင်သွားမည်ဖြစ်၍
မိဘပြည်သူများအနေဖြင့် စစ်ကောင်စီလက်ပါးစေများအနီးတွင် မလိုအပ်ဘဲ သွားလာလှုပ်ရှားမှုများ
မပြုလုပ်ကြပါရန် NSSAA က
မေတ္တာရပ်ခံထားသည်။
.
လားရှိုးမြို့သည်
စစ်ကောင်စီတပ်၏ အရှေ့မြောက်တိုင်းစစ်ဌာနချုပ် တပ်တည် ရုံးစိုက်ရာ မြို့ ဖြစ်ပြီး
ရှမ်းပြည်နယ် မြောက်ပိုင်း၏ မြို့တော်လည်း ဖြစ်သည်။
.
