KNU ကော်သူးလေနယ်မြေ၊ မုန်းမြို့နယ်အတွင်းသို့ စစ်ကောင်စီတပ်မှ လက်နက်ကြီးများဖြင့် ပစ်ခတ်သဖြင့် ဒေသခံများ ထွက်ပြေးတိမ်းရှောင်နေရ

.

ကရင်အမျိုးသားအစည်းအရုံး (KNU) ကော်သူးလေအုပ်ချုပ်နယ်မြေ ညောင်လေးပင်ခရိုင်၊ မုန်းမြို့နယ်အတွင်းရှိ ကျေးရွာအတွင်းသို့ စစ်ကောင်စီတပ်များမှ လက်နက်ကြီးများဖြင့် ရည်ရွယ်ချက်ရှိရှိပစ်ခတ်မှုကြောင့် ဒေသခံကျေးရွာနေပြည်သူများ ထွက်ပြေးတိမ်းရှောင်နေရကြောင်း သိရသည်။

.

.

ပြီးခဲ့သည့် စက်တင်ဘာလ ၄ ရက်၊ ညနေ ၅ နာရီအချိန်ခန့်တွင် စစ်ကောင်စီတပ်၏ ခလရ (၃၉) မှ လက်နက်ကြီး ၃ လုံးပစ်ခတ်ခဲ့ရာ ကရင်အမျိုးသားအစည်းအရုံး ကော်သူးလေအုပ်ချုပ်နယ်မြေ ညောင်လေးပင်ခရိုင်၊ မုန်းမြို့နယ် အတွင်းရှိ တောပုကျေးရွာအုပ်စု၊ ရွှေပြည်သာကျေးရွာအတွင်းသို့ ကျရောက်ခဲ့သော်လည်း ထိခိုက်ပျက်စီးမှုများ မရှိခဲ့ကြောင်း သိရသည်။

.

အဆိုပါ ပစ်ခတ်မှုကြောင့် ရွေပြည်သာကျေးရွာနှင့်အခြားကျေးရွာ ၅ ခုခန့်မှ ဒေသခံပြည်သူများ ကြောက်လန့်ကာ ထွက်ပြေးတိမ်းရှောင်နေကြရကြောင်း သိရသည်။

.