.
ကရင်အမျိုးသားအစည်းအရုံး
(KNU) တပ်မဟာ (၅) နယ်မြေ၊
မူတြော် (ဖာပွန်) ခရိုင်အတွင် စက်တင်ဘာလ ၁ ရက်မှ ၁၅ ရက်အတွင်း ဖြစ်ပွားခဲ့သော တိုက်ပွဲများ၌
စစ်ကောင်စီဘက်မှ ၅၀ ဦး သေဆုံးခဲ့ကြောင်း သိရသည်။
.
စစ်ကောင်စီတပ်၊ BGF တပ်များနှင့် ကရင်အမျိုးသားလွတ်မြောက်ရေးတပ်မတော်
(KNLA) တို့အကြား ၁၅ ရက်အတွင်း တိုက်ပွဲပေါင်း ၆၈ ကြိမ် ဖြစ်ပွားခဲ့ပြီး
စစ်ကောင်စီဘက်မှ တပ်ခွဲမှူး ၂ ဦး၊ ဗိုလ်အဆင့်ရှိသူ ၁ ဦးအပါအဝင် ၅၁ ဦးသေဆုံးခဲ့ကာ
တပ်ရင်းမှူး ၁ ဦး၊ ဒုတပ်ရင်းမှူး ၂ ဦးအပါအဝင် ၃၁ ဦး ထိခိုက်ဒဏ်ရာရရှိခဲ့ကြောင်း
သိရသည်။
.
အဆိုပါ တိုက်ပွဲများအတွင်း
တပ်မဟာ (၅) မှ ရဲဘော် ၁ ဦး ကျဆုံးပြီး ၁၁ ဦး ထိခိုက်ဒဏ်ရာရရှိခဲ့ကြောင်း တပ်မဟာ
(၅) က သတင်းထုတ်ပြန်ထားသည်။
.
ထို့အပြင် KNU တပ်မဟာ (၅) နယ်မြေအတွင် ယင်းကာလအတွင်း
စစ်ကောင်စီ လက်ပါးစေ BGF တပ်များသည် ဘူးသိုမြို့နယ်၊ တလာ အို့ခို့ကျေးရွာနေ
စောဖိုးငိုကို မှားယွင်းသတ်ဖြတ်ခြင်း၊ စစ်ကောင်စီတပ်များက အများပြည်သူ နေထိုင်ရာ ကျေးရွာ
များအား လက်နက်ကြီးများဖြင့် ရမ်းသမ်းပစ်ခတ်ခြင်း စသည့် လူ့အခွင့်အရေး ချိုးဖောက်မှုများကို
ကျူးလွန်ခဲ့ကြောင်း မူတြော်သတင်းစဉ်က ထုတ်ပြန်ထားသည်။
.
