.
သိန္နီမြို့နှင့် ကွတ်ခိုင်မြို့အကြား၊
မန်ပြိန်းကျေးရွာအနီးတွင် ယနေ့ စက်တင်ဘာလ ၄ ရက်၊ နေ့လယ်ပိုင်းက ကချင်တပ်မတော် (KIA)၊ တပ်မဟာ (၁၀)၊ တပ်ရင်း (၂) နှင့်
စစ်ကောင်စီတပ်တို့အကြား တိုက်ပွဲဖြစ်ပွားခဲ့ကြောင်း သိရသည်။
.
တိုက်ပွဲမှာ နေ့လယ်
၁ နာရီမှ ၃ နာရီခန့်အထိ ဖြစ်ပွားခဲ့ပြီး လက်နက်ကြီး၊ လက်နက်ငယ်သံများ ကြားရကာ လမ်းပိတ်ဆို့မှု
ဖြစ်ပေါ်ခဲ့ကြောင်း သိရသည်။
.
တိုက်ပွဲဖြစ်ပွားရာ
နေရာသည် ပြည်ထောင်စုလမ်းမကြီးနှင့် နီးကပ်ပြီး သိန္နီတိုးဂိတ်အတွင်းသို့ လက်နက်ကြီးတစ်လုံး
ကျရောက်ပေါက်ကွဲခဲ့သော်လည်း လူထိခိုက်မှု မရှိခဲ့ကြောင်း သိရသည်။
.
အဆိုပါ တိုက်ပွဲဖြစ်ပွားရာ
ဒေသသည် စစ်ကောင်စီတပ်အပြင် စစ်ကောင်စီလက်အောက်ခံ ပြည်သူ့စစ်များ၊ မြောက်ပိုင်းမဟာမိတ်တိုင်းရင်းသားလက်နက်ကိုင်များဖြစ်သော
SSPP/SSA၊ TNLA၊ KIA နှင့် MMDA တပ်များ သွားလာ
လှုပ်ရှားနေသည့် ဒေသတစ်ခုဖြစ်ပြီး ဒေသကာကွယ်ရေးတပ်ဖွဲ့များလည်း ရှိနေကြောင်း သိရသည်။
.
