မန်တုံမြို့အနီးတွင် စစ်ကောင်စီတပ်နှင့် KIA၊ PDF ပူးပေါင်းတပ်တို့ ပစ်ခတ်မှုဖြစ်ပွား

.

ပလောင်ကိုယ်ပိုင်အုပ်ချုပ်ခွင့်ရဒေသ၊ မန်တုံမြို့နယ်တွင် ယနေ့ စက်တင်ဘာလ ၅ ရက်၊ နံနက်ပိုင်းက စစ်ကောင်စီ တပ်နှင့် ကချင်တပ်မတော် (KIA)၊ PDF ပူးပေါင်းတပ်တို့ အကြား ပစ်ခတ်မှုဖြစ်ပွားခဲ့ကြောင်း သိရသည်။

.

.

ယနေ့ စက်တင်ဘာလ ၅ ရက်၊ နံနက် ၅ နာရီခွဲ အချိန်မှ စတင်၍ လက်နက်ကြီး၊ လက်နက်ငယ်များဖြင့် နာရီဝက်ခန့် အပြန်အလှန် ပစ်ခတ်ခဲ့ကြခြင်းဖြစ်ကြောင်း သိရသည်။

.

မန်တုံမြို့အဝင်ရှိ စစ်ကောင်စီ၏ ခလရ (၁၃၀) ကို KIA၊ PDF ပူးပေါင်းအဖွဲ့များက ဝင်ရောက်ပစ်ခတ်ခဲ့ခြင်းဖြစ်ပြီး စစ်ကောင်စီက လုံခြုံရေးဖြည့်တင်းဆောင်ရွက်လျက်ရှိကြောင်း ဒေသခံများထံက သိရသည်။

.

မန်တုံမြို့နယ်တွင် တအာင်းတပ်မတော် (TNLA) အပြင်၊ KIA နှင့် PDF တပ်များ သွားလာလှုပ်ရှားမှုများ ရှိနေပြီး စစ်ကောင်စီတပ်များလည်း ရှိနေကြောင်း သိရသည်။

.