တောင်ကြီးတွင် COVID-19 ရောဂါပိုးတွေ့ရှိသူ အချို့ရှိလာ၍ သတိပြုရန်လိုအပ်နေ

.

မြို့တော်တောင်ကြီးတွင် ယခုရက်ပိုင်းအတွင်း COVID-19 ရောဂါပိုးတွေ့ရှိသူအချို့ရှိလာနေ၍ မြို့ပေါ်နေ ပြည်သူများအနေဖြင့် သတိပြုသွား လာနေထိုင်ရန် လိုအပ်နေကြောင်းသိရသည်။

.

.

ယခုရက်ပိုင်းအတွင်း COVID-19 ရောဂါပိုး ပြန်လည်တွေ့ရှိသူအချို့တွင် ကာကွယ်ဆေး ထိုးနှံထားပြီးသည့် သူများ ပါနေသည့်အတွက် မြို့ပေါ်နေပြည်သူများအနေဖြင့် Mask များစနစ် တကျတပ်ဆင်ရန်လိုအပ်နေကြောင်း သိရသည်။

.

“ဒီရက်ပိုင်း ကိုဗစ်ရောဂါဖြစ်တဲ့သတင်းတွေ ကြားလာရပါတယ်။ ကျန်းမာရေးမကောင်းလို့ ဆေးရုံဆေးခန်းပြတဲ့အချိန် စစ်ကြည့်တော့ ကာကွယ်ဆေးထိုးထားတဲ့လူတွေမှာတောင် ဖြစ်လာတဲ့ပုံစံမျိုးပေါ့။ ပြည်သူအားလုံး ဂရုစိုက်ပြီး နေထိုင်ဖို့ လိုအပ်နေပါတယ်” ဟု တောင်ကြီးမြို့ပေါ်နေထိုင်သူတစ်ဦးကပြောသည်။

.

ပြည်သူများအနေဖြင့် အပြင်ထွက်သည့်အခါတိုင်း Mask ကိုစနစ်တကျတပ်ဆင်ရန် လိုအပ်နေပြီး တတ်နိုင်သမျှ လူစုလူဝေး ရှောင်ရှားရန်၊ အပြင်မှ ပြန်လာပြီးတိုင်း လက်ကို စနစ်တကျ ဆေးရန် လိုအပ်နေကြောင်း သိရသည်။

.

လတ်တလော တောင်ကြီးမြို့ပေါ်ရှိ ပြည်သူများကြားတွင် Mask တပ်ဆင်မှု အလေ့အထ အားနည်းနေပြီး အများစုမှာ Mask တပ်ဆင်သွားလာခြင်းမရှိတော့သည့်အတွက် ရောဂါကာကွယ်နိုင်ရန်အတွက် Mask များပြန်လည် တပ်ဆင်ရန် လိုအပ်နေကြောင်း သိရသည်။

.

စက်တင်ဘာအတွင်း တောင်ကြီးမြို့နယ်မှ COVID-19 ပိုးတွေ့သူ ၃၀ ဦးခန့် ရှိပြီး ရှမ်းပြည်နယ် တစ်ခုလုံး အနေဖြင့် ၁၆၀ ဦးခန့် ရှိကြောင်း သိရသည်။

.