တာချီလိတ်တွင် COVID-19 ကူးစက်ခံရသူ အမျိုးသမီးတစ်ဦး ရောဂါအခံဖြင့် သေဆုံး

.

တာချီလိတ်မြို့တွင် COVID-19 ရောဂါ ကူးစက်ခံထားရသူ အသက် ၆၀ ကျော်အရွယ် အမျိုးသမီးကြီးတစ်ဦး ယမန်နေ့ စက်တင်ဘာလ ၁၉ ရက်၊ ည ၁၂ နာရီအချိန်ခန့်က ‌ရောဂါအခံဖြင့် သေဆုံးသွားခဲ့ကြောင်း သိရသည်။

.

.

အဆိုပါ အမျိုးသမီးသည် တာချီလိတ်ပြည်သူ့ဆေးရုံကြီးတွင် COVID-19 ရောဂါဖြင့် ဆေးဝါးကုသမှု ခံယူနေစဉ် သေဆုံးသွားခဲ့ခြင်းဖြစ်ကြောင်း သိရသည်။

.

သေဆုံးသူမှာ တာချီလိတ်မြို့နယ်၊ မိုင်းကိုးကျေးရွာအုပ်စု မယ်ဖောလုံကျေးရွာနေ အမျိုးသမီးဖြစ်ပြီး သေဆုံးသူ၏ ရုပ်အလောင်းအား တာချီလိတ်လူမှုကူညီရေးအသင်းက တာချီလိတ်မြို့၊ ကျောက်တောင်သုဿာန်တွင် မီးသင်္ဂြိုဟ် ပေးခဲ့ကြောင်း သိရသည်။

.

လက်ရှိတွင် တာချီလိတ်ဆေးရုံ၌ COVID-19 လူနာ အရေအတွက် မည်မျှရှိကြောင်းနှင့် ဒေသတွင်း COVID-19 ကူးစက်ခံရသူ မည်မျှရှိသည်ကို သတင်းထုတ်ပြန်ခြင်းမရှိ၍ မသိရသော်လည်း ကျိုင်းတုံမြို့တွင် တစ်လအတွင်း  တစ်ကျော့ပြန် Covid-19 ကူးစက်ခံရသူ ၅၀ ကျော်အထိ ရှိနေကြောင်း သိရသည်။

.

[ Photo - ဦးလှမိုး (တာချီလိတ်)လူမှုကူညီရေးအသင်း ]

.

#KBZTai #20September2022

.

Link –

.