လားရှိုးတွင် COVID-19 လူနာတစ်ဦး ထပ်မံသေဆုံး

.

ရှမ်းပြည်နယ်မြောက်ပိုင်း၊ လားရှိုးပြည်သူ့ဆေးရုံတွင် ကုသမှုခံယူနေသည့် COVID-19 ပို့တွေ့လူနာတစ်ဦး စက်တင်ဘာလ ၁၆ ရက်က သေဆုံး သွားခဲ့ကြောင်း သိရသည်။

.

.

လားရှိုးပြည်သူ့ဆေးရုံရှိ အထူးစောင့်ကြည့်ကြပ်မတ်ဆောင်တွင် ကုသမှုခံယူနေသည့် လားရှိုးမြို့၊ ရပ်ကွက် (၁၀)နေ အသက် ၅၈ နှစ်အရွယ် အမျိုးသားသည် COVID-19 ရောဂါပိုးကြောင့် သေဆုံးသွားခဲ့ခြင်းဖြစ်သည်ဟု ဒေသတွင်း သတင်းဌာနတစ်ခုဖြစ်သော ရွှေဖီမြေသတင်းအေဂျင်စီတွင် ဖော်ပြထားသည်။

.

ယခုကဲ့သို့သော သတင်းများကို အများပြည်သူ သိရှိခြင်းဖြင့် နှာခေါင်းစည်း (Mask) တပ်ဆင်မှုမှအစ သတိဖြင့် သွားလာနေထိုင်တတ်စေရန် အသိပေးရာရောက်ပြီး ကူးစက်မှုများလာပါက အခက်အခဲများစွာ ကြုံတွေ့နိုင်သည့် အတွက် အထူးသတိရှိရန် လိုအပ်ကြောင်း ကမ္ဘောဇလူမှုကူညီရေးအသင်းမှ ကိုစံဦးက ပြောဆိုထားသည်ဟု သိရသည်။

.

ပြီးခဲ့သည့် ဇူလိုင်လအတွင်းကလည်း “ဝ” ပြည်၊ ပန်ဆန်းမြို့မှ လားရှိုးသို့ ဆေးလာကုသည့်ရန် လာရောက်သည့် အသက် ၅၂ နှစ်အရွယ် အမျိုးသားတစ်ဦးသည် လားရှိုးဆေးရုံတွင် ဆေးကုသမှုခံယူနေစဉ် ဇူလိုင်လ ၁၇ ရက်၌ COVID-19 ရောဂါဖြင့် သေဆုံးခဲ့ကြောင်း သိရသည်။

.

စစ်ကောင်စီ၏ ကျန်းမာရေးဝန်ကြီးဌာနက တစ်ကျော့ပြန် COVID-19 ရောဂါ ကူးစက်မှု ဖြစ်ပွားပြီးနောက် စက်တင်ဘာ လ ၁၇ ရက်၊ ညနေ ၄ နာရီအထိ ဓါတ်ခွဲအတည်ပြုလူနာ ၃၀၅ ဦး တွေ့ရှိထားပြီး မြန်မာနိုင်ငံတွင် ပထမဆုံးအကြိမ် COVID-19 လူနာ စတင်တွေ့ရှိသည့် ၂၀၂၁ ခုနှစ်၊ မတ်လမှ ယမန်နေ့အထိ ကူးစက်သူ ၆၁၈၆၄၄ ဦး ရှိပြီဖြစ်ကြောင်း သတင်းထုတ်ပြန်ထားသည်။

.

[ Source – Shwe Phee Myay News Agency ]

.