ဒီပဲယင်းမြို့နယ်တွင် စစ်ကောင်စီတပ်၏ လေကြောင်း ပစ်ခတ်မှုကြောင့် ယဉ်ကျေးမှုသင်တန်း တက်နေသည့် ကလေးငယ် ၄ ဦး သေဆုံးခဲ့ရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ဒီပဲယင်းမြို့နယ်တွင် စစ်ကောင်စီတပ်၏ လေကြောင်း ပစ်ခတ်မှုကြောင့် ယဉ်ကျေးမှုသင်တန်း တက်နေသည့် ကလေးငယ် ၄ ဦး သေဆုံးခဲ့ရ


စစ်ကောင်စီတပ်၏ စက်တင်ဘာလ ၁၆ ရက်တွင် ပြုလုပ်ခဲ့သည့် လေကြောင်း ပစ်ခတ်တိုက်ခိုက်မှုကြောင့် စစ်ကိုင်းတိုင်း၊ ဒီပဲယင်းမြို့နယ်၊ လက်ယက်ကုန်းရွာ ဘုန်းကြီးကျောင်းအတွင်း၌ ဗုဒ္ဓဘာသာ ယဉ်ကျေးမှုသင်တန်း တက်နေသော အသက် ၅ နှစ်အရွယ် ကလေးငယ် ၁ ဦး အပါအဝင် ကလေးငယ် ၄ ဦး ‌သေဆုံးခဲ့ရကြောင်း Local fighters Squad ၏ ထုတ်ပြန်ချက်အရ သိရသည်။

.

ထို့အပြင် သင်တန်း တက်ရောက်နေသည့် ကလေးငယ် ၂၀ ဦးခန့်သည်လည်း ထိခိုက်ဒဏ်ရာများ ရရှိခဲ့ပြီး ယင်းဒဏ်ရာရ ကလေးသူငယ်များကို ရေဦးမြို့ရှိ တိုင်းရင်းဆေးရုံသို့ စစ်ကောင်စီတပ်က ခေါ်ဆောင်သွားကြောင်းနှင့် ဗုဒ္ဓဘာသာ ယဉ်ကျေးမှုသင်တန်း ပို့ချနေသည့် ဆရာ ၄ ဦး၊ ဆရာမ ၁ ဦး စုစုပေါင်း ၅ ဦးကိုလည်း ဖမ်းဆီးခေါ်ဆောင်သွားသည်ဟု ထုတ်ပြန်ချက်တွင် ဖော်ပြထားသည်။

.

စစ်ကောင်စီတပ်သည် Mi35P တိုက်ခိုက်ရေး ရဟတ်ယာဉ်ဖြင့် လက်ယက်ကုန်းရွာ ဘုန်းကြီးကျောင်းအပေါ်တွင် ရပ်ပြီး လေကြောင်း ပစ်ခတ်မှုကို ပြုလုပ်ခဲ့ခြင်း ဖြစ်သည်ဟု ဒေသခံများထံမှ သိရသည်။

.

 

Journal Download

Photo of three cats