မီးပုံးပျံ သုံး ယမ်းများကို ဖောက်ခွဲရေးပစ္စည်းဟု ဆိုကာ ဖမ်းဆီးခံရမှုများ ရှိနေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

မီးပုံးပျံ သုံး ယမ်းများကို ဖောက်ခွဲရေးပစ္စည်းဟု ဆိုကာ ဖမ်းဆီးခံရမှုများ ရှိနေ

.

တောင်ကြီးမြို့တော် တန်ဆောင်တိုင်ပွဲတော်၊ မီးပုံးပျံပြိုင်ပွဲ အပါအဝင် ရိုးရာပွဲတောင်များ၌ ပါဝင် ယှဉ်ပြိုင် လွှတ်တင်ကြသည့် မီးပုံးပျံများတွင် အသုံးပြုရသည့် ယမ်းများကို ဖောက်ခွဲရေးပစ္စည်းဟု ဆိုကာ စစ်ကောင်စီ လက်အောက်ခံအဖွဲ့များ၏ ဖမ်းဆီးခံရမှုများ ရှိနေကြောင်း သိရသည်။

.

.

ယမ်းမှုန့်တွေကို သီးသန့် လိုက် ဖမ်းတာမျိုးတော့ မဟုတ်ဘူး။ ဧည့်စာရင်း စစ်တာတို့၊ ဘာတို့လိုမျိုး သူတို့ စစ်တဲ့အချိန်မှာ အဲ ယမ်းမှုန့်တွေကို တွေ့သွားရင် ဖောက်ခွဲရေးလုပ်တဲ့ ပစ္စည်းဆိုပြီး ဖမ်းတာ။ ဝါယာကြိုးက အစ အလွတ်မပေးဘူး၊ သက်သေခံပစ္စည်း အနေနဲ့ သိမ်း၊ လူကို ဖမ်းတာပေါ့။” ဟု သတင်းရင်းမြစ် တစ်ဦးက ပြောသည်။

.

တန်ဆောင်တိုင် ကာလနှင့် သီတင်းကျွတ် ကာလများတွင် ရိုးရာ မီးပုံးပျံလွှတ်တင် ပူဇော်လေ့ ရှိရာ တောင်ကြီးမြို့ပေါ်တွင်ပင် မီးပုံးပျံအဖွဲ့ များစွာ ရှိနေပြီး ယင်းကဲ့သို့ စွပ်စွဲ ဖမ်းဆီးမှုကြောင့် မသက်ဆိုင်သူ လူငယ်အချို့ ဖမ်းဆီးခံခဲ့ရသည်ဟု သိရသည်။

.

ဖမ်းဆီးခံရသူများအနက် ပြန်လည် လွတ်မြောက်လာသူ အချို့ ရှိသော်လည်း အချို့မှာ အကြမ်းဖက်မှုတိုက်ဖျက်ရေး ပုဒ်မဖြင့် ထောင်ဒဏ် ချမှတ်ခံရမှုများလည်း ရှိကြောင်း သိရသည်။

.

အဖမ်းခံရလို့ ငွေပေးပြီး ညှိတာ ဖြစ်ဖြစ်၊ ပိုင်ရာဆိုင်ရာနဲ့ ဖြစ်ဖြစ် ပြန်လွတ်လာတာမျိုးတော့ ရှိတာပေါ့။ မလွတ်ဘဲ ထောင် ကျသွားတဲ့သူတွေလည်း ရှိတယ်။ မကြာခင် သီတင်းကျွတ် တန်ဆောင်တိုင် ရောက်တော့မှာ ဆိုတော့ မီးပုံးပျံယမ်းကို ဆင်ခြင်ကြဖို့ပါ။” ဟု သတင်းရင်းမြစ်က ဆိုသည်။

.

ရိုးရာပွဲတော်တွင် မီးပုံးပျံ လွှတ်တင်ပူဇော်ရာ၌ ညမီးကြီး ၊ စိန်နားပန် နှင့် နေ့လွှတ်အရုပ် ဟူ၍ အမျိုးမျိုး ရှိကာ ညမီးကြီး မီးပုံးပျံ အမျိုးအစားမှာ ယမ်းပိဿာချိန် များစွာ အသုံးပြုရသည် ဖြစ်ပြီး မီးပုံးပျံများကို လနှင့်ချီ၍ ကြိုတင် ပြင်ဆင်မှုများလည်း ပြုလုပ်ရကြောင်း သိရသည်။

.

Journal Download

Photo of three cats