ဒီးမော့ဆိုတွင် စစ်ကောင်စီတပ်က သတ်ဖြတ်ထားသည့် ပြည်သူ ၂ ဦး၏ ရုပ်အလောင်းတွေ့

.

ကရင်နီ (ကယား) ပြည်နယ်၊ ဒီးမော့ဆိုမြို့နယ်အတွင်း စစ်ကောင်စီတပ်က သတ်ဖြတ်မြေမြှုပ်ထားသည့် ပြည်သူ ၂ ဦး၏ ရုပ်အလောင်းကို တွေ့ရှိခဲ့ကြောင်း ကရင်အမျိုးသားများကာကွယ်ရေးတပ်၊ တပ်ရင်း (၆)၊ KNDF-BP 6 က သတင်းထုတ်ပြန်ထားသည်။

.

.

ဒီးမော့ဆိုမြို့နယ်၊ ဆီးလီဒုန်းကျေးရွာနေ အသက်(၃၄)နှစ်အရွယ် ဖရန်စစ္စကို နှင့် အသက် (၄၄)နှစ်အရွယ် ကလယ်မူးတို့သည် စက်တင်ဘာလ ၁၄ ရက်တွင် စစ်ကောင်စီက ဖမ်းဆီးသတ်ဖြတ်ပြီး ခြံဝင်းတစ်ခုအတွင်း မြေမြှုပ် ခဲ့ခြင်းဖြစ်ကြောင်း သိရသည်။

.

KNDF-BP 6 တပ်ရင်းသည် စက်တင်ဘာလ ၁၆ ရက်တွင် နယ်မြေရှင်းလင်းရေးပြုလုပ်နေစဉ် အဆိုပါ ရုပ်အလောင်း ၂ ခုကို တွေ့ရှိခဲ့ခြင်းဖြစ်ကာ ရဲဘော်များနှင့် ရွာသူရွာသားများမှ ကောင်းမွန်စွာ သင်္ဂြိုဟ်ပေးခဲ့ကြောင်း KNDF က အသိပေး ထားသည်။

.

အလားတူ ပြီးခဲ့သည့် စက်တင်ဘာ ၁၆ ရက်ကလည်း စစ်ကောင်စီတပ်မှ ပစ်ခတ်သည့် လက်နက်ကြီးကျည်ကြောင့် စစ်ဘေးရှောင်ပြည်သူများ နားခိုနေထိုင်ရာ မွေတော်ဘုန်းကြီးကျောင်းကို ထိမှန်ခဲ့ပြီး ၁၀ နှစ်အောက် ကလေးငယ် ၂ ဦးနှင့် အသက် ၅၀ ကျော် ပြည်သူ ၂ ဦး သေဆုံးခဲ့ကြောင်း သိရသည်။

.

[ Photo – KNDF ]

.