ကျွန်းလှမြို့နယ်ရှိ ကျေးရွာ ၉ ရွာကို စစ်ကောင်စီတပ် မီးရှို့ဖျက်ဆီးခဲ့မှုကြောင့် အိမ်ခြေ ၄၀၀ ကျော် ဆုံးရှုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကျွန်းလှမြို့နယ်ရှိ ကျေးရွာ ၉ ရွာကို စစ်ကောင်စီတပ် မီးရှို့ဖျက်ဆီးခဲ့မှုကြောင့် အိမ်ခြေ ၄၀၀ ကျော် ဆုံးရှုံး

.

စစ်ကိုင်းတိုင်း၊ ကျွန်းလှမြို့နယ်အတွင်းရှိ ကျေးရွာများသို့ စစ်ကြောင်းထိုးလာသော စစ်ကောင်စီတပ်က ကျေးရွာ ၉ ရွာရှိ ပြည်သူလူထု‌ နေအိမ်များကို မီးရှို့ဖျက်ဆီးခဲ့ရာ အိမ်ခြေ ၄၀၅ လုံး မီးလောင်ပျက်စီးဆုံးရှုံးခဲ့ကြောင်း သိရသည်။

.

.

စစ်ကောင်စီတပ်သည် ရဟတ်ယာဉ်များဖြင့် စီးနင်းတိုက်ခိုက်ပြီး စစ်အင်အားများ ဖြည့်တင်း၍ ကျေးရွာများသို့ ဝင်ရောက်ကာ တည်ပင်ဆိပ်၊ အိမ်ခြေ၊ အင်းလျားရှည်၊ ရွာကုန်းကြီး၊ ကုန်းစည်း၊ ပေပင်ချောင်၊ သစ်ချို၊ မော်ကယ်နှင့် မော်တုန်ကျေးရွာများမှ ပြည်သူလူထုနေအိမ်များကို မီးရှို့ဖျက်ဆီးခဲ့ခြင်းဖြစ်သည်။

.

ထို့ပြင် တည်ပင်ဆိပ်ရွာတွင် ဒေသခံပြည်သူ ၈ ဦးကို စစ်ကောင်စီတပ်က သတ်ဖြတ်ခဲ့ကြောင်း သိရသည်။

.

စစ်ကောင်စီတပ်၏ ထိုးစစ်ကြောင့်  ကျွန်းလှဒေသခံ တစ်သောင်းကျော် စစ်ဘေးတိမ်းရှောင်နေကြရပြီး ကန့်ဘလူ၊ ကောလင်းမြို့နယ်များမှ ဒေသခံများလည်း စစ်ဘေးဒုက္ခ ကြုံတွေ့နေရကြောင်း သိရသည်။

.

ကျွန်းလှ- ကောလင်း - ကန့်ဘလူနယ်စပ်တွင် ပြီးခဲ့သည့် ဩဂုတ် ၂၃ ရက်က ဖြစ်ပွားခဲ့သည့် တိုက်ပွဲတွင် စစ်ကောင်စီ တပ်များ အထိနာခဲ့သောကြောင့် စစ်အင်အားများ ဖြည့်တင်းခြင်း၊ လေကြောင်း တိုက်ခိုက်မှုများ ပြုလုပ်ခြင်း ပိုမိုပြုလုပ်ပြီး ဒေသတွင်း ကျေးရွာများကို မီးရှို့ဖျက်ဆီးခဲ့ခြင်းဖြစ်ကြောင်း သိရသည်။

.

Photo - ကျွန်းလှတက်ကြွလှုပ်ရှားသူများအဖွဲ့

.

Journal Download

Photo of three cats