ပခုက္ကူတံတားရှိ စစ်ကောင်စီဂိတ်ကို အမျိုးသမီးရဲမေ တစ်ဦးပါဝင်သော ပြောက်ကျား ၃ ဦးမှ ဝင်တိုက်

.

မကွေးတိုင်း၊ ဧရာဝတီမြစ်ကူးတံတား၊ ပခုက္ကူရှိ စစ်ကောင်စီဂိတ်ကို ယမန်နေ့ စက်တင်ဘာလ ၄ ရက်၊ နေ့လယ်ပိုင်းက အမျိုးသမီးရဲမေ တစ်ဦး ပါဝင်သော ပြောက်ကျားရဲဘော် ၃ ဦးမှ ဝင်ရောက်တိုက်ခိုက်ခဲ့ကြောင်း သိရသည်။

.

.

ပခုက္ကူမြစ်ကူးတံတားရှိ စစ်ကောင်စီဂိတ်ကို ပခုက္ကူမြို့ပြပြောက်ကျားတပ်ဖွဲ့မှ ရဲမေပူတူး၊ ရဲဘော်ဒီးနှင့် ရဲဘော်ဂျွန်ဖောတို့ ၃ ဦးက ဝင်ရောက်ပစ်ခတ်တိုက်ခိုက်ခဲ့ခြင်းဖြစ်ပြီး မောင်းပြန်ရိုင်ဖယ်သေနတ် ၂ လက် သိမ်းဆည်းရမိခဲ့ကြောင်း ပခုက္ကူမြို့ပြပြောက်ကျားတပ်ဖွဲ့၊ တပ်ဖွဲ့ (၂) က သတင်းထုတ်ပြန်ထားသည်။

.

အဆိုပါတိုက်ခိုက်မှုအတွင်း ရဲ ၃ ဦး သေဆုံးကြောင်း သိရပြီး ပစ်ခတ်မှုဖြစ်ပွားပြီးနောက် စစ်ကောင်စီက ပခုက္ကူတံတား ကို ယာယီပိတ်၍ စစ်ဆေးမှုများ ပြုလုပ်ခဲ့ကြောင်း သိရသည်။

.