.
စစ်ကိုင်းတိုင်း၊
မုံရွာမြို့နယ်၊ ထနောင်းတော မြောက်ရွာနှင့် တောင်ရွာကို စစ်ကောင်စီတပ်က စက်တင်ဘာလ
၂၇ နှင့် ၂၈ ရက်နေ့တို့တွင် ဝင်ရောက် စီးနင်းခဲ့ပြီး နေအိမ်များကို မီးရှို့ ဖျက်ဆီးကာ
PDF ရဲဘော် ၁ ဦးနှင့် ပြည်သူ
၁ ဦးကို ပစ်သတ်သွားကြောင်း သိရသည်။
.
စစ်ကောင်စီတပ်သည် တောပုမြောက်ရွာ(ပျူရွာ)မှ
ပျူစောထီးများနှင့် ပူးပေါင်းကာ စက်တင်ဘာလ ၂၇ ရက်နေ့ နံနက် ၅ နာရီခန့်တွင် ကား ၃
စီးဖြင့် ကြာပိုင်ကျေးရွာမှ ထနောင်းတောမြောက်ရွာသို့ ဦးစွာဝင်ရောက်လာကာ
ပြည်သူပိုင် နေအိမ် ၄ လုံးကို မီးရှို့ဖျက်ဆီးခဲ့ကြောင်း သိရသည်။
.
ထို့နောက် ယင်းနေ့ညတွင်
ထနောင်းတောမြောက်ရွာ ကျေးရွာအတွင်းရှိ ပြည်သူနေအိမ်များတွင် လူခွဲအိပ်ခဲ့ပြီး
စက်တင်ဘာလ ၂၈ ရက်နေ့တွင် ထနောင်းတောတောင်ရွာရှိ ပြည်သူပိုင်နေအိမ် ၃ လုံးကို ထပ်မံ
မီးရှို့ဖျက်ဆီးကာ ရွာလုံးကျွတ်နီးပါး ဝင်ရောက် မွှေနှောက်သွားကြောင်း သိရသည်။
.
စစ်ကောင်စီတပ်၏
စစ်ကြောင်းသည် စက်တင်ဘာလ ၂၇ ရက်နေ့ ညနေ ၅ နာရီခန့်တွင် မုံရွာမြို့ပေါ်မှ
အလုပ်လုပ်ပြီး ပြန်လာသည့် ကိုအောင်ကျော်မင်း (ဘုဘကျေးရွာနေသူ)အား
ထနောင်းတောမြောက်ရွာအဝင် လမ်းမကြီးပေါ်မှာတွင် ပစ်သတ်သွားခဲ့ပြီး ထို့နောက် ယင်း
နေရာအနီး၌ ပြည်သူ့ကာကွယ်ရေးတပ် (MPDF - ဆားလင်းကြီးတပ်ခွဲ)မှ ရဲဘော်တစ်ဦးအား အရှင်မိပြီး နှိပ်စက်ပစ်သတ် သွားကြောင်း
သိရသည်။
.
[ Photo - မုံရွာ-အမြင့်လမ်း သတင်းမှန်ပြန်ကြားရေး အဖွဲ့ ]
.
