တောင်ကြီး မိန်းလမ်းမပေါ်တွင် ယာဉ်ရပ်နားရန်နေရာမရှိ၍ ဆိုင်ကယ်များ ပလက်ဖောင်းပေါ်ရပ်ထားရ

.

တောင်ကြီးမြို့ ဗိုလ်ချုပ်အောင်ဆန်းလမ်းမကြီး ဝဲယာတစ်လျှောက်တွင် ယာဉ်မရပ်ရသည့် ဖြူ/နီကြား ပြုလုပ် လိုက်သည့်အတွက် ကားဆိုင်ကယ် အသုံးပြုသူများ အခက်အခဲဖြစ်ပေါ်နေပြီး မော်တော်ဆိုင်ကယ်များအား လမ်းဘေး ပလက်ဖောင်းများပေါ်တွင် ရပ်ထားရကြောင်း သိရသည်။

.

.

ယင်းကဲ့သို့ ဆိုင်ကယ်များအား ပလက်ဖောင်းပေါ်တွင် ရပ်ထားရသည့်အတွက် လမ်းလျှောက်သွားလာသူများ အနေဖြင့် လမ်းမကြီးပေါ်မှ သွားလာနေရပြီး ယာဉ်တိုက်မှုအန္တရယ် ဖြစ်ပွားလာမည်ကို စိုးရိမ်နေရကြောင်း ဒေသခံများက ပြောဆိုကြသည်။

.

“လမ်းဘေးမှာ ကားဆိုင်ကယ်တွေ ရပ်လို့မရတော့ ဈေးဝယ်လာတဲ့ ဆိုင်ကယ်တွေက ပလက်ဖောင်းပေါ် တက်ရပ်ထား ရတာပေါ့။ လမ်းလျှောက်တဲ့လူတွေက ကားလမ်းပေါ် ဆင်းလျှောက်နေရတော့ ယာဉ်တိုက်မှုဖြစ်မှာကို ကြောက်နေရ တယ်” ဟု တောင်ကြီးမြို့နေ ဒေသခံတစ်ဦးက ပြောသည်။

.

တောင်ကြီးမြို့၊ ဗိုလ်ချုပ်အောင်ဆန်းလမ်းမကြီးတစ်လျှောက်၌ ယာဉ်မရပ်ရသည့် ဖြူ/နီကြား ပြုလုပ်ထားပြီး ရပ်နားထားသည့်ယာဉ်များအား သြဂုတ်လ ၂၂ ရက်မှစတင်၍ ဖမ်းဆီးမှုများ ပြုလုပ်နေကြောင်း သိရသည်။

.