တောင်ကြီးမြို့နယ်အတွင်း၌ ယခု ရက်ပိုင်းအတွင်း နိုင်ငံရေးဆိုင်ရာ ပုဒ်မဖြင့် ဖမ်းဆီးခံထားရပြီး အမှု ရင်ဆိုင်နေကြရသူများသည် ကျန်းမာရေး စောင့်ရှောက်မှု မရရှိဘဲ ဖြစ်နေကြောင်း သိရသည်။
.
“ တောင်ကြီး အမှတ်(၁/၂) (မြို့မရဲစခန်းနှင့် နယ်မြေရဲစခန်း) ထဲမှာ နိုင်ငံရေးနဲ့
ပတ်သက်ပြီး အဖမ်းခံထားရသူတွေ ကျန်းမာရေးနဲ့ ပတ်သက်ပြီး လုံလုံလောက်လောက် မရကြဘူး၊ တချို့
ကိုဗစ်လည်း ဖြစ်နေကြတယ်။” ဟု သတင်းရင်းမြစ် တစ်ဦးက ပြောသည်။
.
စစ်ကောင်စီ တပ်ဖွဲ့ဝင်များ၏ ဖမ်းဆီးမှု ခံရပြီးနောက် ရာဇသတ်ကြီးပုဒ်မ
၊ အကြမ်းဖက်မှုတိုက်ဖျက်ရေးပုဒ်မများဖြင့် အမှုဖွင့်ခံရပြီးနောက် တရားရုံးတွင် တရား
ရင်ဆိုင်နေရသူများ ဖြစ်ကာ စုစုပေါင်း ဦးရေ ၁၀၀ ခန့် ရှိနိုင်သည်ဟု သိရသည်။
.
“ ၅၀၅ တွေ၊ အကြမ်းဖက်တိုက်ဖျက်ရေးလို မျိုးတွေပေါ့။ အနည်းဆုံး ၁၀၀ ဝန်းကျင်
ရှိတယ်။ တရား ရင်ဆိုင်နေကြရတဲ့သူတွေပါ။” ဟု
သတင်းရင်းမြစ် က ပြောသည်။
.
တောင်ကြီးမြို့နယ်အတွင်း၌ စစ်ရေးလှုပ်ရှားမှု မရှိတော့သော်လည်း စစ်ကောင်စီ
တပ်ဖွဲ့ဝင်များက ဖမ်းဆီး စစ်ဆေးမှုများကိုမူ ဆက်လက် ပြုလုပ်နေလျက် ရှိရာ နေ့စဉ်နှင့်အမျှ
ဖမ်းဆီးခံရမှုများ ရှိနေကြောင်း သိရသည်။
.
