နမ့်ခမ်းတွင် အိမ်စီးကားတစ်စီး ဗုံးပေါက်ပြီး တစ်ဦး သေဆုံး

.

နမ့်ခမ်းမြို့၊ ဟိုနောင်ရပ်ကွက်တွင် ယနေ့ စက်တင်ဘာလ ၂၉ ရက်၊ ညပိုင်းက မော်တော်ယာဉ်တစ်စီး ဗုံးပေါက်ပြီး တစ်ဦး သေဆုံး၍ တစ်ဦး ဒဏ်ရာရရှိခဲ့ကြောင်း သိရသည်။

.

.

စစ်တပ်ဝင်းအတွင်းမှ အိမ်စီးကားတစ်စီး ယနေ့ စက်တင်ဘာလ ၂၉ ရက်၊ ည ၇ နာရီခန့်က ဗုံးပေါက်ကွဲခြင်းဖြစ်ပြီး စစ်ဆရာဝန်တစ်ဦး သေဆုံး၍ အခြား တစ်ဦးမှာ ခြေထောက်တွင် မီးလောင်ဒဏ်ရာများ ရရှိခဲ့ကြောင်း ‌ဒေသခံများ ထံက သိရသည်။

.

အဆိုပါ သေဆုံးသူမှာ စစ်ဆရာဝန် ဟုတ်/မဟုတ် ဆိုသည်ကိုမူ အတည်ပြုနိုင်ခြင်း မရှိသေးချေ။

.

လတ်တလောတွင် ဗုံးပေါက်ကွဲမှု ဖြစ်ပွားသည့် အကြောင်းရင်းကို မသိရှိရသေးဘဲ စစ်ကောင်စီတပ်နှင့် ရဲများက လာရောက်စစ်ဆေးမှုများ ပြုလုပ်လျက်ရှိကြောင်း သိရသည်။

.