တန့်ဆည်တွင် ကင်းစောင့်နေသည့် ရဲဘော်နှင့် အရပ်သားများကို စစ်ကောင်စီတပ် မီးရှို့သတ်ဖြတ်

.

စစ်ကိုင်းတိုင်း၊ တန့်ဆည်မြို့နယ်၊ အုတ်ဖိုအိုင်ကျေးရွာတွင် ကင်းစောင့်နေသည့် ကျေးရွာကာကွယ်ရေးတပ်ဖွဲ့ဝင်များ နှင့် အရပ်သား စုစုပေါင်း ၁၀ ဦးကို စစ်ကောင်စီတပ်က ဖမ်းဆီးပြီး အရှင်လတ်လတ် မီးရှို့သတ်ဖြတ်ခဲ့ကြောင်း သိရသည်။

.

.

ကျေးရွာကာကွယ်ရေးတပ်ဖွဲ့မှ ရဲဘော် ၄ ဦးနှင့် ကျေးရွာသား ၆ ဦးတို့သည် စက်တင်ဘာလ ၁၆ ရက် ဒလန် သတင်းပေးမှုကြောင့် ဖမ်းဆီး သတ်ဖြတ်ခံခဲ့ရခြင်းဖြစ်ပြီး မီးလောင်ကျွမ်းပြီး ကျန်ရစ်ခဲ့သည့် ရုပ်အလောင်းများကို ယင်းနေ့ ညနေပိုင်းတွင် ဒေသကာကွယ်ရေးတပ်ဖွဲ့က တွေ့ရှိ၍ မီးသင်္ဂြိုဟ်ကာ အမိန့်ပြန်ပေးခဲ့ရကြောင်း သိရသည်။

.

တပ်မ(၃၃) လက်အောက်ခံစစ်ကောင်စီစစ်ကြောင်းသည် စက်တင်ဘာ ၁၆ ရက်၊ နံနက် ၅ နာရီခန့်တွင် အုတ်ဖိုအိုင်ကျေးရွာကို ရုတ်တရက် ဝင်ရောက်လာပြီး ရွာသားများကို ဖမ်းဆီးခဲ့ခြင်းဖြစ်ကြောင်း သိရသည်။

.