ရေး-ထားဝယ် လမ်းတွင် စစ်ကောင်စီယာဉ်တန်း မိုင်းဆွဲ တိုက်ခိုက်ခံရ

ထားဝယ်မြို့နယ်၊  ရေး - ထားဝယ် ကားလမ်းမပေါ်ရှိ မောင်မယ်ရှောင်ကျေးရွာ နှင့် ဇဟာရွာ ကြား၌ စက်တင်ဘာလ ၁၀ ရက်၊ ညနေပိုင်းတွင် စစ်ကောင်စီယာဉ်တန်း မိုင်းဆွဲ တိုက်ခိုက်ခံရသည်ဟု သိရသည်။

.

ထားဝယ်ပြောက်ကျားတော်လှန်ရေးတပ်ဖွဲ့ (DGRF)က စစ်ကောင်စီတပ်ဖွဲ့ဝင် အပြည့် တင်ဆောင်၍ ရေဖြူမှ ထားဝယ်ဘက်သို့ မောင်းနှင်လာသည့် စစ်ကောင်စီတပ် ယာဉ် ၂ စီးကို မိုင်းဆွဲ တိုက်ခိုက်ခဲ့ခြင်း ဖြစ်ပြီး စစ်ကောင်စီတပ်၏ ပထမကားအား ထိမှန်၍ စစ်ကောင်စီ တပ်သားများ ထိခိုက်ကျဆုံးမှု များပြားနိုင်သည်ဟု DGRF က ထုတ်ပြန်သည်။

.

အဆိုပါ မိုင်းဆွဲတိုက်ခိုက်မှုအပြီးတွင် စစ်ကောင်စီဘက်မှ အနီးပတ်ဝန်းကျင်သို့ ရမ်းသမ်းပစ်ခတ်မှုများ ပြုလုပ်ခဲ့ရာ ပြည်သူနှစ်ဦး အသေးစား ထိခိုက် ဒဏ်ရာ ရရှိခဲ့ကြောင်းလည်း သိရသည်။

Link - https://youtu.be/lms9VyPjWvU