စစ်ကောင်စီ ကျူးလွန်ခဲ့သော ဒီပဲယင်း ရက်စက်ကြမ်းကြုတ်မှုနှင့် ပတ်သက်သည့် သတင်းစာရှင်းလင်းပွဲ ပြုလုပ်မည်

.

.

စစ်ကိုင်းတိုင်း၊ ဒီပဲယင်းမြို့နယ်၊ လက်ယက်ကုန်းကျေးရွာတွင်  ကလေးငယ်များ အပါအဝင် အရပ်သားများအား ရက်စက်စွာ  သတ်ဖြတ်ခဲ့သည့် စစ်ရာဇဝတ်မှုနှင့် ပတ်သက်ပြီး အမှန် တကယ် ဖြစ်ပျက်ခဲ့သည့် အခြေအနေများ၊ အမျိုးသားညီညွတ်ရေးအစိုးရ၏ ဆောင်ရွက်လျက်ရှိသည့် လုပ်ဆောင်ချက် များနှင့် ပတ်သက်၍ သက်ဆိုင်ရာ ဝန်ကြီးဌာနများနှင့် ကိုယ်တိုင်ကြုံတွေ့ခဲ့ရသည့် မျက်မြင်သက်သေများက သတင်းမီ ဒီယာများနှင့် တွေ့ဆုံရှင်းလင်းပွဲကို ယနေ့ စက်တင်ဘာ ၂၆ ရက်၊ ည ၈ နာရီ အချိန်တွင် ပြုလုပ်သွားမည်ဖြစ်ကြောင်း သိရသည်။

.

အဆိုပါ သတင်းစာရှင်းလင်းပွဲကို PVTV၊ Radio NUG တို့အပါအဝင် သတင်းဌာန အချို့မှ တိုက်ရိုက်ထုတ်လွှင့်တင်ဆက် သွားမည်ဖြစ်ကြောင်း သိရသည်။

.

စစ်ကိုင်းတိုင်း၊ ဒီပဲယင်းမြို့နယ်၊ လက်ယက်ကုန်းကျေးရွာရှိ ကိုယ်ထူကိုယ်ထ စာသင်ကျောင်းတစ်ခုကို စက်တင်ဘာလ ၁၆ ရက်က စစ်ကောင်စီက လေကြောင်းမှ တိုက်ခိုက်ခဲ့ရာ ကလေးငယ် ၇ ဦးအပါအဝင် စုစုပေါင်း ၁၂ ဦး သေဆုံးခဲ့ပြီး အများအပြား ထိခိုက်ဒဏ်ရာရရှိ ခဲ့ခြင်းဖြစ်သည်။

.

.