လက်ယက်ကုန်းက အမှောင်မိုက်ဆုံးသော နေ့ (ရုပ်သံ)

စစ်ကိုင်းတိုင်း၊ ဒီပဲယင်းမြို့နယ်၊ လက်ယက်ကုန်းကျေးရွာ၌ ဒေသခံပြည်သူများ ဖွင့်လှစ်ထားသည့် ကိုယ်ထူကိုယ်ထ စာသင်ကျောင်းကို အာဏာသိမ်းစစ်ကောင်စီတပ်က စက်တင်ဘာ ၁၆ ရက်တွင် ရဟတ်ယာဉ်ဖြင့် ပစ်ခတ်တိုက်ခိုက်သည့် အပြင် မြေပြင်မှလည်း စီးနင်းဝင်ရောက်၍ ပစ်ခတ် ဖမ်းဆီးမှုများကို ပြုလုပ်ခဲ့သည်။

ယင်းကဲ့သို့ စစ်ကောင်စီတပ်၏ လုပ်ဆောင်မှုကြောင့် စာသင်နေ‌သော ကလေးငယ် ၇ ဦး အပါအဝင် အနည်းဆုံး အရပ်သား ၁၃ ဦး သေဆုံးခဲ့ရသည့် အပြင် ဒဏ်ရာရ ကျောင်းသား/ကျောင်းသူများနှင့် ဆရာများ စုစုပေါင်း ၂၀ ဦးကျော်ကိုလည်း စစ်ကောင်စီတပ်က ဖမ်းဆီးသွားခဲ့သည်။

အဆိုပါ ဖြစ်စဉ်နှင့် ပတ်သက်၍ မျက်မြင်တွေ့ရှိသူနှင့် သေဆုံးခဲ့ရသည့် ကလေးငယ်များ၏ ဖခင်၊ မိခင်နှင့် အဖွား ဖြစ်သူတို့၏ ပြောဆိုမှုများကို တင်ဆက်ထားခြင်း ဖြစ်သည်။