ရေဦးခရိုင်ရဲတပ်ဖွဲ့မှူး နားထင်တွင် သေနတ်ဒဏ်ရာများဖြင့် သေဆုံးပြီး သေဆုံးမှုအကြောင်း အမျိုးမျိုး သတင်းပြန့်နေ

.

စစ်ကိုင်းတိုင်း၊ ရေဦးခရိုင်ရဲတပ်ဖွဲ့မှူး ယာယီဒုရဲမှူးကြီး ဝင်းနိုင်သည် ယမန်နေ့ စက်တင်ဘာလ ၁၆ ရက်တွင် နားထင် သေနတ်ဒဏ်ရာဖြင့် သေဆုံးခဲ့ပြီး စစ်သားနှင့် ရဲများအချင်းချင်း ပစ်ခတ်မှုကြောင့် သေဆုံးခြင်းဖြစ်ကြောင်း ဒေသခံ များက ပြောဆိုကြသော်လည်း ၎င်းမှာ မိမိကိုယ်ကို အဆုံးစီရင်ခြင်းဖြစ်သည်ဟု စစ်ကောင်စီအသိုင်းအဝိုင်းက သတင်း ဖြန့်ထားကြောင်း သိရသည်။

.

.

ဒုတိယရဲမှူးကြီးဝင်းနိုင်သည် ယမန်နေ့ စက်တင်ဘာ ၁၅ရက် ညနေက ၎င်း၏ ဝန်ထမ်းအိမ်ယာတွင် မိမိကိုယ်ကို နားထင်သူ သေနတ်ဖြင့် တေ့ပစ်၍ အဆုံးစီရင်သွား​​ခြင်းဖြစ်ကြောင်း ရဲမှူးကြီးတစ်ဦးက ပြောဆိုထားသည်။

.

ထို့အပြင် ၎င်းသည် စစ်ကောင်စီ၏ ဖိအားပေးမှုများကို မလွန်ဆန်နိုင်၍ သတ်သေခြင်းဖြစ်ကြောင်း ရဲအရာရှိအချို့ ကလည်း ပြောဆိုကြသည်။

.

ဒေသခံများကမူ စစ်ကောင်စီတပ်သားများနှင့် လက်အောက်ခံ ရဲတပ်ဖွဲ့ဝင်အချင်းချင်း ဖြစ်ခတ်ပြီး သေဆုံးခြင်း ဖြစ်ကြောင်း ပြောဆိုကြသည်။

.

ရေဦးသည် ယခင်က ရွှေဘိုခရိုင်အတွင်း ပါဝင်သည့် မြို့နယ်တစ်ခုဖြစ်ပြီး စစ်ကောင်စီက ခရိုင်အဆင့်ဖြစ် သတ်မှတ် ကာ ဌာနဆိုင်ရာဖွဲ့စည်းပုံများ တိုးချဲ့ဖွဲ့စည်းနေသည့် ခရိုင်တစ်ခုဖြစ်သည်။v

.