ညောင်ရွှေမြို့နယ်၊ ထီရီးကျေးရွာတွင် အမျိုးသားတစ်ဦး ပစ်သတ်ခံရ

.

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ ထီရီးကျေးရွာတွင် စက်တင်ဘာလ ၆ ရက်၊ ညနေပိုင်းက အမျိုးသားတစ်ဦး သေနတ်ဖြင့် ပစ်သတ်ခံခဲ့ရကြောင်း သိရသည်။

.

.

ထီရီးကျေးရွာတွင် အိမ်ထောင်ကျနေသော တောင်ပို့ကွဲ မြောက်ကျေးရွာနေ အောင်စိန် (ခ) အိုက်တော သည် စက်တင်ဘာလ ၆ ရက်၊ ညနေ ၄ နာရီအချိန်ခန့်က ပုံးလောကျေးရွာဘက်မှ ပြန်လာစဉ် စန့်စွဲကျေးရွာအနီးတွင် ဦးခေါင်းကို သေနတ်ဖြင့် တေ့၍ ပစ်သတ်ခံရခြင်းဖြစ်ကာ ၎င်းတွင် ဇနီးဖြစ်သူနှင့် ၇ နှစ်အရွယ် သားဖြစ်သူတို့ ကျန်ခဲ့ကြောင်း သိရသည်။

.

ချဲ အခွန် မဆောင်ခြင်း၊ ချဲ မလျော်ခြင်းတို့ကြောင့် ထီရီးစခန်းမှ စစ်ကောင်စီ လက်အောက်ခံ အဖွဲ့က အောင်စိန်(ခ)အိုက်တော ကို ပစ်သတ်သွားခြင်း ဖြစ်သည်ဟု ဒေသခံအချို့၏ ပြောဆိုမှုအရ သိရသော်လည်း အတည်ပြုနိုင်ခြင်း မရှိသေးပေ။

.

အဆိုပါ ဒေသများတွင် ချဲထီရောင်းချသူများမှာ PNO ထံ အခွန်ဆောင်ရပြီး မဆောင်သူများကို PNO က ဖမ်းဆီး ရိုက်နှက်မှုများ၊ သတ်ဖြတ်မှုများ ရှိနေကြောင်း သိရသည်။

.