ကရင်နီ (ကယား) ပြည်နယ်တွင် စက်တင်ဘာလ ပထမပတ်အတွင်းဖြစ်ပွားသော တိုက်ပွဲများ၌ စစ်ကောင်စီတပ်သား ၁၈ ဦး သေဆုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကရင်နီ (ကယား) ပြည်နယ်တွင် စက်တင်ဘာလ ပထမပတ်အတွင်းဖြစ်ပွားသော တိုက်ပွဲများ၌ စစ်ကောင်စီတပ်သား ၁၈ ဦး သေဆုံး

.

ကရင်နီ (ကယား) ပြည်နယ်တွင် စက်တင်ဘာလ ပထမပတ်အတွင်း ဖြစ်ပွားခဲ့သော တိုက်ပွဲများ၌ စစ်ကောင်စီ တပ်ဖွဲ့ဝင် ၁၈ ဦး သေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း KNDF က ယနေ့ စက်တင်ဘာလ ၈ ရက် တွင် သတင်းထုတ်ပြန်ထားသည်။

.


.

စစ်ကောင်စီတပ်များသည် စက်တင်ဘာလ ပထမပအတ်အတွင်း ကရင်နီ (ကယား) ပြည်နယ်၊ ဒီးမော့ဆို၊ ဖရူဆို နှင့် ရှမ်းကယားနယ်စပ် ဖယ်ခုံမြို့နယ်များတွင် အင်အားဖြည့်တင်းလျက်ရှိပြီး မိုးဗြဲတွင်လည်း တိုက်ပွဲများ ပြင်းထန်လျက် ရှိကြောင်း သိရသည်။

.

စက်တင်ဘာလ ၃ ရက်၊ နံနက်အစောအပိုင်းက ဒီးမော့ဆိုမြို့နယ်ဖက်မှ ဖရူဆိုမြို့နယ်ဖက်သို့ ရိက္ခာတင်လာသော စစ်ကောင်စီ ယာဥ်တန်း ကား ၅ စီးကို KNDF/B15 မှ ဖရူဆိုမြို့နယ် ကဒါးလာကျေးရွာ အနီးတွင် အလစ်အငိုက် တိုက်ခိုက်ခဲ့ရာ စစ်ကောင်စီတပ်ရိက္ခာကားတစ်စီးပျက်စီးခဲ့ပြီး စစ်ကောင်စီတပ်သား ၃ ဦး သေဆုံးခဲ့ကြောင်း သိရသည်။

.

ထို့အတူ ယင်းနေ့ ညနေပိုင်းတွင်လည်း ဖရူဆိုမြို့နယ်၊ ထီးသော်ကူး ကျေးရွာအနီး တပ်စွဲထားသော စစ်ကောင်စီတပ်ဖွဲ့ များအား KNDF/B15 မှ ရှောင်တခင် ဝင်ရောက်တိုက်ခိုက်ခဲ့ရာ စစ်ကောင်စီတပ်သား ၂ ဦး သေဆုံးခဲ့ကြောင်း သိရသည်။

.

ဖရူဆိုမြို့နယ် ထီးပေါ်ဆို နှင့် ဒေါညေးခူကျေးရွာတို့တွင် ခြေကုပ်ယူတပ်စွဲထားသော စစ်ကောင်စီတပ်များကို စက်တင်ဘာ ၄ ရက်နေ့ နေ့လယ်ပိုင်းက ကရင်နီတပ်မတော် (KA)KNDF/B04B05 B15 တို့ပူးပေါင်းတိုက်ခိုက်ခဲ့ရာ စစ်ကောင်စီဘက်မှ ၆ ဦး သေဆုံးခဲ့ကြောင်း သိရသည်။

.

ထို့အပြင် ဖရူဆိုမြို့ နယ် ကဒါးလားကျေးရွာအနီးရှိ လက်ဝါးကပ်တိုင်တောင်ပေါ်တွင် တပ်စွဲထားသော စစ်ကောင်စီ တပ်များကို KNDF/B15 မှ တိုက်ခိုက်ခဲ့ရာ စစ်ကောင်စီတပ်သား ၂ ဦး သေဆုံးခဲ့ကြောင်း သိရသည်။

.

ဒီးမော့ဆိုမြို့နယ် ငွေတောင်ရွာသစ် ကျေးအရွာအနီး၌ စစ်ကြောင်းထိုးတပ်စွဲထားသာ စစ်ကောင်စီတပ်များကို ကရင်နီတပ်မတော် (KA) နှင့်  KNDF/B10 တို့က ပူးပေါင်းတိုက်ခိုက်ခဲ့ရာ စစ်ကောင်စီတပ်ဖက်မှ ၁ ဦးသေဆုံးပြီး  အများအပြားထိခိုက်ခဲ့ကာ လက်နက်ငယ် ၁ လက်နှင့် ခဲယမ်းအချို့ကို သိမ်းဆည်းရမိခဲ့ကြောင်း သိရသည်။

.

စက်တင်ဘာလ ၇ ရက်တွင် ဘောလခဲမြို့နှင့် ရွာသစ်မြို့အကြား လမ်းမပေါ်ရှိ စစ်ကောင်စီတပ်၏ (၁၂) မိုင်ကုန်းစခန်း အနီး တွင် ဝါးခုတ်ရန် ထွက်လာသော စစ်ကောင်စီတပ်များကို ကရင်နီတပ်မတော် (KA)KNDF/B21 တို့မှ အလစ်အငိုက် တိုက်ခိုက်ခဲ့ရာ စစ်ကောင်စီတပ်ဖွဲ့မှ ၃ ဦးသေဆုံးခဲ့ပြီး ၂ ဦးပြင်းထန်ဒဏ်ရာရခဲ့ကာ လက်နက်ငယ် ၁ လက်နှင့် ခဲယမ်းများ သိမ်းဆည်းရမိခဲ့ကြောင်း သိရသည်။

.

ဖယ်ခုံမြို့နယ်အတွင်း ကုန်းဆုံကျေးရွာအုပ်စု ထိုင်တော်မူဘုရားတောင်ပေါ်၌ စခန်းချထား သော စစ်ကောင်စီ တပ်များကို စက်တင်ဘာလ ၃ ရက်က ကရင်နီတပ်မတော် (KA)KNDF/B03BO9B11 တို့မှ ပူးပေါင်းတိုက်ခိုက်ခဲ့ရာ စစ်ကောင်စီ တပ်ဖွဲ့ဖက်မှ ၁ ဦးသေဆုံးခဲ့ကြောင်း KNDF ဗဟိုသတင်းနှင့် ပြန်ကြားရေးက ထုတ်ပြန်ထားသည်။

.

Journal Download

Photo of three cats