ULA/AA ၏ သတင်းစာရှင်းလင်းပွဲကို သြဂုတ် ၁၁ ရက်တွင် ပြုလုပ်မည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ULA/AA ၏ သတင်းစာရှင်းလင်းပွဲကို သြဂုတ် ၁၁ ရက်တွင် ပြုလုပ်မည်

.

ရခိုင်အမျိုးသားအဖွဲ့ချုပ်/ရခိုင်တပ်မတော် (ULA/AA) ၏ စတုတ္ထအကြိမ် သတင်းစာရှင်းလင်းပွဲကို လာမည့် ဩဂုတ်လ ၁၁ ရက်တွင် ကျင်းပသွားမည်ဖြစ်ကြောင်း ULA/AA ပြောခွင့်ရ ဦးခိုင်သုခ က ၎င်း၏ လူမှုကွန်ရက်စာမျက်နှာတွင် ရေးသားထားသည်။

.

.

သတင်းစာရှင်းလင်းပွဲတွင် သတင်းရယူလိုသော သတင်းထောက်များအနေဖြင့် (https://forms.gle/9FkNHENUvZ9R1sMp9) မှတဆင့် စာရင်းသွင်းရမည်ဖြစ်ပြီး စာရင်းသွင်းထားသော သတင်းထောက်များကိုသာ သတင်းယူခွင့်ပြုမည်ဖြစ်ကြောင်း သိရသည်။

.

ULA/AA ၏ စတုတ္ထအကြိမ်မြောက် သတင်းစာရှင်းလင်းပွဲကို လာမည့် သြဂုတ်လ ၁၁ ရက်၊ ကြာသပတေးနေ့ နံနက် ၁၀:၀၀ နာရီအချိန်တွင် ပြုလုပ်သွားမည်ဖြစ်ပါသည်။ သတင်းစာရှင်းလင်းပွဲကို အရင်အကြိမ်များအတိုင်း ရက္ခိုင် ဘာသာစကားဖြင့် ပြောဆိုသွားမည်ဖြစ်ပါသည်” ဟု ဦးခိုင်သုခက ၎င်း၏ လူမှုကွန်ရက်တွင် ရေးသားထားသည်။

.

စာရင်းသွင်းထားသော သတင်းထောက်များအား သတင်းစာရှင်းလင်းပွဲအတွက် လိုအပ်သော အချက်အလက်များကို အီးမေးလ်မှတစ်ဆင့် ပေးပို့သွားမည်ဖြစ်ပြီး သတင်းထောက်များအနေဖြင့် မေးမြန်းလိုသော မေးခွန်းများကို ဩဂုတ်လ ၉ ရက်နောက်ဆုံးထား၍ press.ula.aa@protonmail.com သို့ပေးပို့ရမည်ဖြစ်ကာ သတ်မှတ်ရက်ကျော်လွန်ပြီးမှ ပေးပို့လာသော မေးခွန်းများကို လက်ခံဖြေကြားပေးမည်မဟုတ်ကြောင်း သိရသည်။

.

ထို့အပြင် သတင်းစာရှင်းလင်းပွဲတွင် အခြားသတင်းထောက်များကို အချိန်ပေးနိုင်ရန်အတွက် သတင်းထောက်တစ်ဦး လျှင် မေးခွန်း ၂ ခုစီနှင့် ထပ်ဆင့်မေးခွန်း ၁ ခုစီသာ မေးမြန်းခွင့်ပြုသွားမည်ဖြစ်ကြောင်း သိရသည်။

.

ULA/AA ၏ ပထမအကြိမ်သတင်းစာရှင်းလင်းပွဲကို မတ် ၅ ရက်တွင်လည်းကောင်း၊ ဒုတိယအကြိမ်သတင်းစာ ရှင်းလင်းပွဲကို ဧပြီလ ၅ ရက်တွင်လည်းကောင်း၊ တတိယအကြိမ် သတင်းစာရှင်းလင်းပွဲကို ဇွန်လ ၁၄ ရက်တွင် လည်းကောင်း ပြုလုပ်ခဲ့ပြီး ယခုအခါ စတုတ္ထအကြိမ် သတင်းစာရှင်းလင်းပွဲ ပြုလုပ်ခြင်းဖြစ်ကြောင်း သိရသည်။

.

Journal Download

Photo of three cats