နမ္မတူမြို့နယ်၊ ပန်ချင်အုပ်စု၊ လုပ်လေကျေးရွာ လားရှိုးနှင့် နမ္မတူ ဖြတ်သန်းသွားလာနေသည့် ယာဉ်များကို ယမန်နေ့ သြဂုတ်လ ၈ ရက်က စစ်ဆေးခဲ့ရာ စစ်ကောင်စီထုတ်ကုန် ပစ္စည်းများ၊ မူးယစ်ဆေး သုံးစွဲသူများကို ဖမ်းဆီးရမိကြောင်း TNLA က ထုတ်ပြန်သည်။
.
မူးယစ်ဆေးဝါး သုံးစွဲသူ ၅ ဦး၊
စစ်ကောင်စီထုတ်ကုန်ဖြစ်သည့် ABC ဘီယာ၊ Tiger ဘီယာနှင့် Speed အချိုရည်တို့ကို ဖမ်းဆီးရမိပြီး
စစ်ကောင်စီထုတ်ကုန်များအား ဖျက်ဆီးလိုက်သည်ဟု ထုတ်ပြန်ချက်တွင် ဖော်ပြထားသည်။
.
တအာင်းဒေသတွင် မူးယစ်ဆေးဝါး ဖြန့်ဖြူး
သုံးစွဲခြင်း၊ စစ်ကောင်စီထုတ်ကုန်များ ရောင်းချ စားသုံးခြင်းကို တားဆီးနိုင်ရန် ထပ်မံ
လုပ်ဆောင်သွားမည် ဖြစ်ပြီး စစ်ကောင်စီထုတ်ကုန်များအား ရောင်းချခြင်း မလုပ်ရန် ၂၀၂၁
ခုနှစ် ဇွန်လတွင် TNLA က ထုတ်ပြန်ထားသည်။
.
ပြီးခဲ့သည့် သြဂုတ် ၄ ရက်ကလည်း
ကွတ်ခိုင်မြို့နယ်၊ နမ့်ဖတ်ကာကျေးရွာ၌ မူးယစ်ဆေးဝါး သုံးစွဲသူ စုစုပေါင်း ၁၀၁ ဦးကို
ဒေသခံတိုင်းရင်းသား လူငယ်များနှင့် ပူးပေါင်း၍ TNLA က ဖမ်းဆီးခဲ့ကြောင်း သိရသည်။
.
