စစ်ကောင်စီနှင့် တွေ့ဆုံခဲ့မှုကို PNLO ရှင်းလင်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီနှင့် တွေ့ဆုံခဲ့မှုကို PNLO ရှင်းလင်း

.

ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) သည် စစ်ကောင်စီနှင့် ပထမအကြိမ် တွေ့ဆုံဆွေးနွေးခဲ့မှုများကို ဩဂုတ်လ ၂၁ ရက်တွင် တောင်ကြီးမြို့၊ ပအိုဝ်းအမျိုးသားကွင်း၌ ပြည်သူလူထုအား ရှင်းလင်းဆွေးနွေး အကြံဉာဏ်ရယူ ခဲ့ကြောင်း သိရသည်။

.

.

အဆိုပါ အခမ်းအနားတွင် ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ဥက္ကဋ္ဌနှင့် ခေါင်းဆောင်များ၊ PNO အတွင်းရေးမှူးချုပ်နှင့် ကိုယ်စားလှယ်များ၊ ပအိုဝ်းစာပေနှင့် ယဉ်ကျေးမှုအသင်း ဥက္ကဋ္ဌနှင့် တာဝန်ရှိသူများ၊ ထမ်းဆန်းအဖွဲ့နှင့် ပအိုဝ်းတိုင်းရင်းသားအရေး ဆောင်ရွက်နေသူများ တက်ရောက်ခဲ့ကြောင်း သိရသည်။

.

PNLO အနေဖြင့် ပြီးခဲ့သည့် ၂၀၁၇ ခုနှစ်က ဟိုပုံးမြို့တွင် ပြုလုပ်သည့် ပအိုဝ်းအမျိုးသားအဆင့် နိုင်ငံရေးဆွေးနွေးပွဲမှ ထွက်ရှိလာသည့် နိုင်ငံရေးမူ အချက်များကို စစ်ကောင်စီထံ တင်ပြခဲ့သည်ဟု တွေ့ဆုံရှင်းလင်းပွဲတွင် ပြောဆိုခဲ့သည်။

.

စစ်ကောင်စီမှ ဖိတ်ခေါ်သည့် ဒုတိယအကြိမ် တွေ့ဆုံပွဲသို့ PNLO ဥက္ကဋ္ဌ ဗိုလ်မှူးကြီး ခွန်သူရိန် ကိုယ်တိုင် တက်ရောက် သွားမည်ဖြစ်ကြောင်း သိရသည်။

.

 

Journal Download

Photo of three cats