ဖယ်ခုံ PDF မှ တပ်ဖွဲ့ဝင် ၂ ဦး လယ်ယာမြေများရောင်းချ၍ စနိုက်ဘာ ဝယ်ယူ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ဖယ်ခုံ PDF မှ တပ်ဖွဲ့ဝင် ၂ ဦး လယ်ယာမြေများရောင်းချ၍ စနိုက်ဘာ ဝယ်ယူ

.

ဖယ်ခုံမြို့နယ် ပြည်သူ့ကာကွယ်ရေးတပ်၊ တပ်ရင်း(၂)၊ တပ်ခွဲ (၃)မှ တပ်ဖွဲ့ဝင် ၂ ဦးသည် ၎င်းတို့ ပိုင်ဆိုင်သည့် လယ်ယာမြေများကို ရောင်းချ၍ တပ်ဖွဲ့အတွက် လိုအပ်သည့် စနိုက်ဘာလက်နက်များ ဝယ်ယူခဲ့သည်ဟု သိရသည်။

.

.

ဖယ်ခုံ PDF တပ်ရင်း (၂) တပ်ခွဲ (၃) မှ ကိုပီတာနှင့် အခြား တပ်ဖွဲ့ဝင်တစ်ဦးတို့သည် ၎င်း၏မိဘများ အမွေပေး ထားသည့် လယ်ယာမြေ တစ်ဧကစီကို ရောင်းချ၍ စနိုင်ဘာ ဝယ်ယူခဲ့ခြင်းဖြစ်ကြောင်း သိရသည်။

.

“ကျွန်တော်တို့ တပ်ခွဲ(၃)က အများအားဖြင့် တပ်ခွဲမှူးတွေ၊ အဖွဲ့ဝင်တွေ အားလုံးရဲ့ ပိုင်ဆိုင်မှုတွေကို ရောင်းပြီးမှပဲ တည်ထောင်ထားဖြစ်တဲ့ အကြောင့် ကျွန်တော်တို့ရဲ့ အဓိက လက်နက်အင်အား ခဲယမ်းတွေက ကျွန်တော်တို့ ကိုယ်ပိုင် စိုက်ထုတ်ထားတဲ့ဟာက ၇၀ ရာခိုင်နှုန်းလောက် ရှိတယ်။ ကျန်တဲ့ ၃၀ ရာခိုင်နှုန်းက အများပြည်သူရဲ့ ထည့်ဝင် လှူဒါန်းငွေနဲ့ တည်ဆောက်ထားတာပါ” ဟု ကိုပီတာက ပြောသည်။

.

“အာဏာရှင်ကို မနိုင်မချင်း ကျွန်တော်တို့ တွန်းလှန်မယ်။ အပြီးထိ တွန်းလှန်မယ်ဆိုတဲ့ ရည်ရွယ်ချက်နဲ့ ဒီဟာကို ထုခွဲ ရောင်းချတာပါ။ တစ်ယောက် နည်းနည်းဆီနဲ့ ကျွန်တော်တို့ စုဖွဲ့လိုက်လို့ ရှိရင် ကျွန်တော်တို့ တော်လှန်ရေးက ပိုပြီးတော့ အားကောင်းလာမယ်။ နောက်ဆုံးအနေနဲ့ ဒီ တော်လှန်ရေးကြီးကို ကျွန်တော်တို့ မြန်မြန် ပြီးချင်လို့ပါ” ဟု ၎င်းက ဆက်လက် ပြောဆိုခဲ့သည်။

.

ဖယ်ခုံ PDF တပ်ရင်း (၂) သို့ လှူဒါန်းလိုသော အလှူရှင်များ အနေဖြင့် Pekhon People Defence Force - 2Page messenger မှ တစ်ဆင့် ဆက်သွယ်ကူညီ လှူဒါန်းနိုင်ကြောင်း သိရသည်။

.

ဖယ်ခုံမြို့နယ်ပြည်သူ့ကာကွယ်ရေးတပ် တပ်ရင်း(၂) PEKHON PDF - 2 ကို ပြီးခဲ့သည့် ဧပြီလ ၁၇ ရက်တွင် တိုးချဲ့ ဖွဲ့စည်းခဲ့ခြင်း ဖြစ်ပြီး PEKHON PDF သည် များပြားလှသော တော်လှန်ရေးတပ်ဖွဲ့ဝင် ရဲဘော်များကို ထိထိ ရောက်ရောက် စီမံအုပ်ချုပ် တိုက်ပွဲဝင်သွားရန်နှင့် ရဲဘော်များ၏ စိတ်ဓါတ် ခွန်အားကို မြင့်တင်သွားရန် ရည်ရွယ်၍ တပ်ရင်း(၂) ကို တိုးချဲ့ခဲ့ခြင်း ဖြစ်ကြောင်း သိရသည်။

.

အဆိုပါ ဖယ်ခုံမြို့နယ်ပြည်သူ့ကာကွယ်ရေးတပ် တပ်ရင်း(၂)သည် အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာန၏ ကြီးကြပ်လမ်းညွှန်မှု အောက်တွင်ရှိသော တပ်ရင်း ဖြစ်ကြောင်းလည်း သိရသည်။

.

Journal Download

Photo of three cats