.
မလေးရှားနိုင်ငံတွင်
ဖမ်းဆီးခံထားရသော မြန်မာနိုင်ငံသားများအရေးအတွက် ဆောင်ရွက်ပေးရန် အမျိုးသား ညီညွတ်ရေးအစိုးရ
(NUG) နိုင်ငံခြားရေးဝန်ကြီးဌာနက
မလေးရှားနိုင်ငံခြားရေးဝန်ကြီးဌာနသို့ မေတ္တာရပ်ခံစာ ပေးပို့ ထားကြောင်း သိရသည်။
.
မလေးရှားနိုင်ငံ၊ ဆယ်လန်ဂေါပြည်နယ်၊
ကာဂျမ်းမြို့ရှိ တရားမဝင်နေထိုင်နေသူများ၏ တိုက်ခန်းများကို ယမန်နေ့ ဩဂုတ်လ ၉ ရက်က
မလေးရှားလဝကမှ ဝင်ရောက်စီးနင်းရှာဖွေဖမ်းဆီးခဲ့ခြင်းဖြစ်ကြောင်း သိရသည်။
.
ယင်းကဲ့သို့ ရှာဖွေဖမ်းဆီးရာတွင်
တရားမဝင်ရွှေ့ပြောင်းလုပ်သား ၁၇၅ ဦး ဖမ်းမိကြောင်း မလေးရှားလဝက က ထုတ်ပြန် ထားပြီး
ယင်းတို့အနက် မြန်မာလုပ်သား ၁၀၀ ကျော် ပါဝင်နေကြောင်း သတင်းများ ထွက်ပေါ်လျက် ရှိသည်။
.
အဆိုပါ ဖမ်းဆီးခံရသော
မြန်မာနိုင်ငံသားများအရေးအတွက် မလေးရှားနိုင်ငံခြားရေးဝန်ကြီးဌာနထံ မေတ္တာရပ်ခံစာ ပေးပို့ထားပြီး
အချိန်နှင့်တပြေးညီဆက်လက်ညှိနှိုင်းဆောင်ရွက်သွားမည်ဖြစ်ကြောင်း NUG နိုင်ငံခြားရေးဝန်ကြီးဌာနက ထုတ်ပြန်အသိပေးထားသည်။
.
အမျိုးသားညီညွတ်ရေးအစိုးရ၊
အလုပ်သမားဝန်ကြီးဌာနသည် ပြည်ပအလုပ်အကိုင်အသိအမှတ်ပြုကတ် (Overseas
Employment Registration Card-OERC) ပြုလုပ်ပေးနိုင်ရေးအတွက်
ဆောင်ရွက်လျက်ရှိကြောင်း ပြီးခဲ့သည့် မေလ ၂၇ ရက်က သတင်းထုတ်ပြန်ထားသည်။
.
