.
နိုင်ငံတကာအသိုင်းအဝိုင်းအနေဖြင့်
မြန်မာ့အရေးအတွက် အမျိုးသားညီညွတ်ရေးအစိုးရ၊ တိုင်းရင်းသားတော်လှန်ရေး အင်အားစုများနှင့်အတူ
ရပ်တည်ကြိုးပမ်းပေးကြရန် မန္တလေးအကျဉ်းထောင်ရှိ နိုင်ငံရေးအကျဉ်းသား/အကျဉ်းသူ အင်အားစုများက
၃၄ နှစ်မြောက် ရှစ်လေးလုံးလူထုတော်လှန်ရေးအထိမ်းအမှတ်အဖြစ် ထုတ်ပြန်တိုက်တွန်းခဲ့သည်ဟု
သိရသည်။
.
မြန်မာပြည် ဖက်ဒရယ်ဒီမိုကရေစီအတွက်
လူထုတစ်ရပ်လုံး ပါဝင်တွန်းလှန် တိုက်ပွဲဝင်ခဲ့သော်လည်း ကိုယ်ကျိုးရှာ စစ်အာဏာရှင်များ၏
ရက်ရက်စက်စက် နှိမ်နင်းမှုများကြောင့် ယနေ့အထိ ပန်းတိုင်ကို မရောက်သေးကြောင်း၊ ခေတ်
အဆက်ဆက် တော်လှန်ရေးတွင် ကျဆုံးခဲ့ရသော သူရဲကောင်းများကို ဂုဏ်ယူလေးစားစွာ ဦးညွတ်နေမည်ဖြစ်ကြောင်း
ထုတ်ပြန်ချက်တွင် ဖော်ပြထားသည်။
.
ထို့အပြင် စစ်အာဏာရှင်စနစ်
အမြစ်ပြတ်ပြီး ဖက်ဒရယ်ဒီမိုကရေစီပြည်ထောင်စု ပေါ်ပေါက်လာသည်အထိ မည်သို့သော ဖိနှိပ်ခြိမ်းခြောက်
အနိုင်ကျင့်စော်ကားမှုများ ကြုံတွေ့နေသော်လည်း အရှုံးမပေးဘဲ အားလုံးနှင့် အတူတကွ ကြံ့ကြံ့ခံ
တွန်းလှန်တိုက်ခိုက်သွားမည်ဖြစ်ကြောင်း မန္တလေး နိုင်ငံရေးအကျဉ်းသား/သူများက ထုတ်ပြန်
ထားသည်။
.
ထို့အပြင် ပြည်သူလူထု၏
လူမှုစီးပွားဘဝ အမြန်ဆုံး လုံခြုံချမ်းသာနိုင်ရေးအတွက် ပြည်သူတစ်ရပ်လုံးက ညီညွတ် စွာဖြင့်
အားကုန်သုံးပြီး တတ်စွမ်းရာကဏ္ဍမှ ကျရာတာဝန်ကို ထမ်းပြီး တော်လှန်ရေးစိတ်ဖြင့် ဝိုင်းဝန်းကြိုးပမ်း
ပေးကြရန်လည်း တိုက်တွန်းထားသည်။
.
