.
မြန်မာနိုင်ငံရှိ ကလေးငယ်များကို
ကမ္ဘာတစ်ဝှမ်းမှ ကလေးငယ်များနည်းတူ လူ့အခွင့်အရေးများ ရရှိရေးအတွက် ဆောင်ရွက်သွားမည်ဖြစ်ကြောင်း
အမျိုးသားညီညွတ်ရေး အစိုးရ (NUG)၊ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာဇော်ဝေစိုးက ပြောဆိုခဲ့သည်။
.
Southeast Asian Ministers of Education Organization,
Regional Center for Food and Nutrition (SEAMEO RECFON) က ဦးစီးကျင်းပသည့် အရှေ့တောင်အာရှဒေသတွင်း ရှေးဦးကလေးသူငယ်
ဖွံ့ဖြိုးမှုမြှင့်တင်ရေးဆိုင်ရာ ဆွေးနွေးပွဲတွင် ဒေါက်တာဇော်ဝေစိုးက ယင်းကဲ့သို့ ပြောဆိုခဲ့ခြင်းဖြစ်သည်။
.
မြန်မာနိုင်ငံရှိကလေးငယ်များသည်
ကမ္ဘာတစ်ဝန်းရှိ ကလေးများအားလုံးနည်းတူ ငြိမ်းချမ်းစွာပညာသင်ကြားနိုင်ရေး၊
ကျန်းမာသန်စွမ်းပြီး အာဟာရပြည့်ဝရေး၊ ကာကွယ်ဆေး အကြိမ်ပြည့် ရရှိစေရေး၊
စားနပ်ရိက္ခာ ဖူလုံမှုရှိရေး စသည့် လူ့အခွင့်အရေးများကို ရရှိသင့်သည်ဖြစ်ရာ
အမျိုးသားညီညွတ်ရေးအစိုးရအနေဖြင့် မိတ်ဖက်အဖွဲ့အစည်းများ၊ ဒေသတွင်းနိုင်ငံများနှင့်
ပူးပေါင်းကာ ကြိုးပမ်းဆောင်ရွက်သွားမည်ဖြစ်ကြောင်း ဒေါက်တာဇော်ဝေစိုးက ပြောသည်။
.
“ရှေးဦးကလေးသူငယ်ဖွံ့ဖြိုးမှုမြှင့်တင်ရေးဆိုင်ရာ
အရှေ့တောင်အာရှဒေသတွင်း ဆွေးနွေးပွဲ (Regional Learning Exchange Forum)” ကို ဩဂုတ် ၁ ရက်က ပြုလုပ်ခဲ့ခြင်းဖြစ်ကြောင်း
NUG ကျန်းမာရေးဝန်ကြီးဌာနက
ယမန်နေ့ ဩဂုတ်လ ၅ ရက်တွင် သတင်းထုတ်ပြန်ထားသည်။
.
Regional Forum သို့
မြန်မာ၊ ဘရူနိုင်း၊ ကမ္ဘောဒီးယား၊ လာအို၊ အင်ဒိုနီးရှား၊ မလေးရှား၊ ဖိလစ်ပိုင်၊ ထိုင်း၊
စင်ကာပူ စသည့် အရှေ့တောင်အာရှဒေသတွင်း ၉ နိုင်ငံမှ ကျန်းမာရေးဝန်ကြီးဌာန၊ ပညာရေးဝန်ကြီးဌာန
ကိုယ်စားလှယ်များ စုစုပေါင်း ၆၁ ဦး တက်ရောက်ဆွေးနွေးခဲ့ကြောင်း သိရသည်။
.
